Ижтимоий тармоқларда Асака туманидаги мактабларнинг бирида ўқувчилар ўртасида оммавий муштлашув содир бўлгани тасвирланган видео тарқалди. Андижон вилояти Халқ таълими бошқармаси мазкур ҳолатга муносабат билдирди.
Маълум қилинишича, видеотасвирдаги ҳолат ростдан ҳам Асака туманидаги 59-умумтаълим мактабида 10 февраль куни 1-давра 2-соат дарс машғулотлари оралиғида — соат 09:35 да (катта танаффус вақтида), 9-синф ўқувчилари О.М ва Б.Х иштирокида ўзаро келишмовчилик сабаб юзага келган.
Таъкидланишича, шу заҳоти мактаб маъмурияти томонидан жанжалга барҳам берилиб, ўқувчилар дарсларга киритилган. Дарс машғулотларидан сўнг мактаб маъмурияти томонидан участка инспектори, мактаб психологи ва ҳолат иштирокчиси бўлган ўқувчиларнинг ота-оналари иштирокида профилактик суҳбат ташкил этилган.
Вилоят халқ таълими бошқармаси томонидан ўтказилган хизмат текшируви жараёнида ўқувчилар ва уларнинг ота-оналари иштирокида суҳбат ўтказилгани ҳамда улар ўзаро яраштирилгани аниқланган.
Хизмат текшируви якунида ўқувчиларнинг одоб-ахлоқ қоидаларига риоя қилмагани ва мактабда жанжалли ҳолатни юзага келтиргани учун уларнинг ота-оналарига нисбатан Маъмурий жавобгарлик тўғрисидаги кодекснинг 47-моддасига (болаларни тарбиялаш ва уларга таълим бериш борасидаги мажбуриятларни бажармаслик) асосан маъмурий жавобгарлик қўлланилган.
Аввалроқ Сурхондарёда ер талашган фуқаролар ўртасида оммавий мушлацҳув содир бўлгани, Тошкентда мактаб ўқувчилари ўртасида оммавий муштлашув содир бўлгани ҳақидаги хабарга изоҳ берилгани, Чилонзордаги кафеда жанжал кўтариб, ички ишлар ходимига қўл кўтарган шахслар ҳибсга олингани, Нукусда бўлиб ўтган фестивалдан сўнг жанжал содир бўлгани тўғрисида хабар берилганди.
Изоҳ (0)