Тайёр ҳолда сотиладиган қат-қатли хамир билан ҳамма нарсани осон ва тез пишириш мумкин — пирог, круассан, нонушта учун рулет ёки штрудел каби. Қатли хамирдан тайёрланадиган оддий, тез ва жуда мазали рецептларнинг бир нечта вариантни таклиф қиламиз.
Нонуштабоп круассанлар
Тайёр хамирни юпқа ёйиб, учбурчак шаклида кесиб олинг. Ҳар бир учбурчакни учидан бошлаб, тепага қараб асталик билан ўранг. Устига тухум сариғини суртинг ва тилларанг бўлгунча пиширинг. Круассанлар учун начинка сифатида шоколад ёки ёнғоқ пастаси, мураббо ёки жем ишлатишингиз мумкин.
Тузланган балиқли тарт
Ушбу таом туғилган кун дастурхонини безайди. Иштаҳаочар егулик бир неча дақиқада тайёр бўлади. Бунинг учун қатли хамирни олдиндан пишириб, совитиш, кейин творогли пишлоқ суртиб, устига тузланган лосос бўлакларини чиройли қилиб қўйиш кифоя. Бир оз майдаланган қалампир, бир бўлак зайтун мойи ва лососли тарт тайёр!
Хамирли «қопқоқ»да пишган қовурма
Гўшт, балиқ ёки товуқдан тайёрланган ҳар қандай қовурма жуда мазали бўлади, агар уни қозонда пиширсангиз-у, устини хамир билан ёпсангиз, янада ажойиб таъм уйғунлигига гувоҳ бўласиз. Американча товуқли пирог ҳам худди шу усулда тайёрланади, бу аслида нозик қаймоқли соусда пишган сабзавотли товуқли таомдир. Хамир қатлами билан қоплангандан сўнг, идиш чиндан ҳам пирогга ўхшаб қолади! Печда, хамирнинг «қопқоғи» пишаётганда, идишдаги хушбўй ҳидлар билан тўйинади. Қовурмани «қопқоқ» остида пишириш учун идиш четларини сув билан намланг, хамир билан ёпинг, буғ чиқиши учун хамир ўртасидан кичик бир тешик кесинг. Хамир тайёр бўлгунга қадар пишириш учун печга қўйинг.
Штрудел
Қатли хамирга ҳар қандай начинка солиб тирли хил рулетлар тайёрлаш мумкин. Штруделни балиқ ва гуруч, товуқ ва пишлоқ билан пиширса бўлади. Қўзиқоринли штрудел — қовурилган пиёз, тухум ва кўкатлар қўшилган ажойиб таомдир. Лекин олма ва майдаланган ёнғоқ солингани энг машҳур штрудел ҳисобланади.
Тез тайёрланадиган пироглар рецепти
Ёғланган қолипга хамирни ёйиб чиқинг. Начинкасига тухум, майдаланган ёки юмшоқ пишлоқ (масалан, фета) ва сабзавотлар, пиширилган гўшт ёки товуқ бўлаклари, кўкатлар, қовурилган пиёз солиш мумкин. Қолипни начинка билан тўлдиринг ва печда 180 даражада хамир пишгунча ва бир ҳил рангга келгунча пиширинг. Қатли хамирдан хушбўй исмалоқ ва қўзиқоринли пирог ҳам пишириш мумкин.
Изоҳ (0)