Туркманистон президент Гурбангули Бердимуҳамедов 2 февраль куни Хитойнинг Туркманистондаги элчихонаси матбуот хизмати ходими Юй Сяошуанга қисқа интервью берди. Журналист Бердимуҳамедовга Хитойнинг CCТВ, «CGTN ин Russiaн» телекомпаниялари, «Женмен жибао» газетаси ва «Sinxua» ахборот агентлиги номидан саволлар берган.
Бердимуҳамедов интервьюда 4 февраль куни Қишки Олимпия ўйинларининг очилиш маросимида иштирок этишини айтган. «Бу қарор, биринчи навбатда, ушбу воқеанинг бутун сайёрамиз учун катта аҳамият касб этишини англаш билан боғлиқ», — деди давлат раҳбари.
Бундан ташқари, Бердимуҳамедов Туркманистон Хитой Халқ Республикасини мамлакат ҳудудий яхлитлиги масалаларида қўллаб-қувватлаши, «ягона Хитой» сиёсати ва мамлакатни тинч йўл билан бирлаштириш тарафдори эканини таъкидлаган.
«Хитой» номига ХХР материги ва Тайван ороли (Хитой Республикаси) томонидан даъво қилинади. ХХР Тайван ҳукуматини тан олмайди ва «Бир давлат – икки тизим» тамойили асосида орол билан автоном мақомда бирлашишга интилади. Айни пайтда Тайваннинг амалдаги ҳукумати орол мустақиллигини сақлаб қолишни талаб қилмоқда.
Бундан ташқари, Бердимуҳамедов интервьюда «Бир камар – бир йўл» ва «Буюк ипак йўлининг тикланиши» транспорт лойиҳалари, шунингдек, Хитой билан фан, маданият, таълим ва бошқа соҳалардаги ҳамкорликнинг аҳамияти ҳақида гапирган, аммо бирорта тафсилот бермаган.
2021 йили Гурбангули Бердимуҳамедов хорижий ОАВга учта интервью берган эди. Ноябрь ойида Туркиянинг TRT World телеканали бош муҳаррири Юсуф Эримга интервью берган. Октябрь ойида президент билан «ТАСС» бош директорининг биринчи ўринбосари Михаил Гусман суҳбатлашган. Май ойида эса «МИР» давлатлараро телерадиокомпанияси раиси Радик Батиршин Туркманистон раҳбари билан суҳбатлашган. 2018 йилда «Россия 24» телеканали Туркманистон раҳбари билан интервью қилганди.
Мавзуга доир:
- Бердимуҳамедов Туркманистонни хорижий давлатларга янада танитиш учун дипломатларга ўзи билан китоб ва журналлар олиб кетишни буюрди
- Балиқчилар Гурбангули Бердимуҳамедовни балиқшўрва билан меҳмон қилди ва унга бағишланган қўшиқни куйлаб берди (видео)
- Гурбангули Бердимуҳамедов мунажжимлар башорати асосида 2022 йил учун тавсиялар берди
Изоҳ (0)