Америкалик ҳарбий хизматчилар 2 февраль куни кечқурун Сурия шимоли-ғарбида аксилтеррорчилик операциясини ўтказди. Бу ҳақда Пентагон матбуот котиби Жон Кирбига таяниб, Anadolu агентлиги хабар берди.
«АҚШ махсус кучлари Марказий қўмондонлик назорати остида бугун кечаси Сурия шимоли-ғарбида аксилтеррорчилик миссиясини ўтказди. Миссия муваффақиятли якунланди», — дейилади баёнотда.
Америка томонидан ҳеч қандай қурбонлар йўқлиги ва ҳеч ким жароҳат олмагани айтилмоқда. Операциянинг қолган тафсилотлари ошкор этилмаган.
Аввалроқ АҚШ Сурия шимоли-ғарбида ИШИД террорчилик ташкилотининг шериги бўлган шахсга қарши махсус операция ўтказиши маълум бўлганди. Сурия мухолифатидаги манбаларнинг сўзларига кўра, операция Идлиб вилоятида АҚШ Ҳарбий ҳаво кучларининг F-16 қирувчи самолётлари ва вертолётларидан фойдаланилган ҳолда ташкил этилган.
АҚШ Идлибда бу каби операцияни 2019 йилнинг октябрида ҳам ўтказган ва натижада ИШИД раҳбари Абу Бакр ал-Бағдодий йўқ қилинган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)