«Уралские авиалинии» авиакомпаниясининг 28 январь кунги Самарқанд—Екатеринбург йўналиши бўйича учаётган самолётида техник носозлик юз берди Бу ҳақда Транспорт вазирлиги хабар қилди.
Қайд этилишича, SVR 2862 рейси Тошкент вақти билан 07:41 да Самарқанд аэропортидан муваффақиятли учган. Парвоз давомида Москва вақти билан соат 10:01 да экипаж командири самолётда техник носозлик юз бергани ҳақида ҳаво ҳаракатини бошқариш диспетчерига авария сигналини берган. Дастлабки маълумотларга кўра, самолёт кабинаси герметизациясида носозлик юзага келган.
Колсово аэропортининг фавқулодда хизматлари самолётни қабул қилиш учун шай ҳолатга келтирилган. Бортида 159 нафар йўловчи ва 6 нафар экипаж аъзоси бўлган самолёт Тошкент вақти билан соат 10:28 да Колсово аэропортига муваффақиятли қўнган.
Ҳодиса оқибатида жароҳат олганлар йўқ.
Ушбу ҳодиса бўйича Свердловск транспорт прокуратураси томонидан парвозлар хавфсизлиги тўғрисидаги қонун ҳужжатларининг бажарилиши юзасидан текширув ишлари олиб борилмоқда.
Изоҳ (0)