Самарқандда қоидабузар ҳайдовчининг телефонини тортиб олишга уринган вилояти ЙҲХБ ходимига хизмат текшируви тайинланди. Бу ҳақда Самарқанд вилояти ИИБ ахборот хизмати бошлиғи маълум қилди.
Маълум қилинишича, 2022 йилнинг 23 январь куни Нарпай тумани ҳудудидан ўтувчи М-37 автомобиль йўлининг 102-километрида хизмат вазифаларини олиб бораётган вилоят ИИБ ЙҲХБ 4-отряди ходимлари йўл ҳаракати қоидаларини бузиб ҳаракатланиб келаётган Nexia’га тўхташ ишорасини берган вақтида, ҳайдовчи ходимларнинг қонуний талабига бўйсунмай, ҳаракатланиб кетган.
Шундан сўнг, ҳайдовчи И.Н (2001 йилда туғилган) ушланиб, унга нисбатан қонунда белгиланган тартибда маъмурий баённома расмийлаштирилган ва автотранспорт воситаси вақтинчалик сақлаш учун жарима майдончасига жойлаштирилган. Ҳайдовчи инспекторни тасвирга олмоқчи бўлган вақтида ходим фуқаронинг қўлидаги телефонини тортиб олишга ҳаракат қилган.
Ходимнинг ҳаракатига ҳуқуқий баҳо бериш мақсадида хизмат текшируви тайинланган. Натижаси тўғрисида текширув якунига кўра хабар берилади.
Аввалроқ Навоийда ЙПХ ходимини калтаклаган ҳайдовчи қилмишидан пушаймонлигини айтгани, Сирдарёда алкотестер ўрнига бир марталик стакандан фойдаланган ЙПХ ходимига ҳайфсан берилгани, Фарғонада хизмат машинасида йўл қоидасини бузган ЙПХ ходими жаримага тортилгани, Сирдарёда ЙПХ ходими алкотестер ўрнига бир марталик стакандан фойдаланишга урингани тўғрисида хабар берилганди.
Мавзуга доир:
Изоҳ (0)