Тошкент вилояти Қибрай туманда деҳқон хўжалиги учун ажратилган ер майдонини сотган шахслар аниқланди. Бу ҳақда Иқтисодий жиноятларга қарши курашиш департаменти хабар қилди.
Маълум қилинишича, Бош прокуратура ҳузуридаги департаментнинг Яшнобод туман бўлими терговга қадар текширув ўтказган. Унда Т.Х. ва бошқалар Қибрай туманида Қ. фермер хўжалигининг ижара асосида фойдаланиб келаётган ернинг Т.Х.га тегишли 30 сотих ер майдонини бетон тўсиқлар билан ўраб, ҳужжатларни сохталаштириш йўли билан фуқаро С.га сотиб, давлат ва жамият манфаатларига 336,7 миллион сўм зарар етказгани аниқланган.
Ҳолат юзасидан Жиноят кодексининг 192-11-моддаси (нодавлат тижорат ташкилотида мансабдор шахслар томонидан ўз ваколатларини суиистеъмол қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Самарқандда ўрмон хўжалигига тегишли 4 гектар ерни 30 минг долларга сотишга уринган адвокат ушланди
- Бухорода пора эвазига 50 гектар ер олиб беришни ваъда қилган ҳокимлик бош мутахассиси ушланди
- Самарқандда 0,25 гектар ерни 24 минг долларга сотишга уринган Кадастр агентлиги ходими ва унинг шериги қўлга олинди
Изоҳ (0)