2022 йил 1 январь ҳолатига кўра, Ўзбекистон доимий аҳолисининг 57,6 фоизи меҳнатга лаёқатли ёшдаги фуқаролар ҳисобланади. Бу ҳақда Давлат статистика қўмитаси хабар берди.
Шунингдек, мамлакат доимий аҳолисининг 31,2 фоизини — меҳнатга лаёқатли ёшдан кичиклар ҳамда 11,2 фоизини меҳнатга лаёқатли ёшдан катталар ташкил этади.
Ўзбекистоннинг доимий аҳолиси сони 2022 йил 1 январь ҳолатига кўра 35 271 276 кишини ташкил этган. Шундан 17,5 миллион нафари аёллар, 17,7 миллион нафари эркаклар ҳисобланади. Республиканинг доимий аҳолиси сўнгги 30 йил ичида 13,9 миллион кишига ошган.
Аввалроқ Ўзбекистоннинг доимий аҳолиси сони 30 йил ичида қанчага ўсгани маълум қилинганди. Маълумотларга кўра, 1991 йилда мамлакатнинг доимий аҳолиси сони 20,6 миллион кишини ташкил этган.
Изоҳ (0)