Японияда коронавирус пандемияси бошланганидан бери бир сутка ичида 50,2 мингдан зиёд касалланиш ҳолатлари қайд этилди. Бу ҳақда «Интерфакс» хабар берди.
Мамлакат пойтахти Токионинг ўзида 11 мингдан зиёд ҳолат қайд этилган ва бу ҳам янги антирекорд.
Япониядаги 47 та префектуранинг 30 тасида ҳам антирекордлар янгиланган. Хабарларда қайд этилишича, бу каби салбий ҳолатлар мамлакатда омикрон штаммининг тарқалгани билан боғлиқ.
Японияда COVID-19 нинг янги штамми тарқала бошлагани туфайли қўшимча чеклов чоралари кучга кирган.
Аввал Россияда янги антирекорд қайд этилиб, бир суткада 57 мингдан ортиқ кишида коронавирус аниқлангани, Тонга оролларига гуманитар ёрдам билан учаётган самолёт экипажда COVID-19 аниқлангани сабаб ярим йўлдан ортига қайтгани, Англияда кўплаб коронавирус чекловлари, хусусан, тиббий ниқоб тақиб юриш бекор қилиниши ҳақида хабарлар берилган.
Изоҳ (0)