Гурбангули Бердимуҳамедов Тошҳовузда қурилаётган электр тармоғи ва паррандачилик фермасини кўздан кечирди. Фермада унга бағишлаб достон куйлашди

20 январда Туркманистон президенти Гурбангули Бердиумуҳамедов Тошҳовуз вилоятига ташриф билан борди, деб хабар бермоқда «Хроника Туркменистана».

Хабарга кўра, Бердимуҳамедов аэропортдан йўлтанламасда Тошҳовуз вилоятининг Гурбонсултон атрафидаги 500 киловолт қувватга эга Болқон–Тошҳовуз электр узатиш линияси қурилишини кўзда кечиришга йўл олган.

Туркманистон президентига Болқон–Тошҳовуз электр линиясининг қурилиши ҳақида гапириб беришди, лойиҳа мамлакатдаги ҳалқасимон энергия тизимнинг бир қисмига айланади, Бердимуҳамедов подстанциялар ва Тошҳовуз давлат электростанцияси қурилишининг лойиҳаси билан ҳам танишган.

Туркманистон энергетика вазири Хожимурод Режепмурадов мамлакатдаги электростанциялар фаолияти, жумладан, 10 мегаватт қувватга эга Болқон вилоятидаги Сердар атрофида жойлашган қуёш ва шамол электростанциялари лойиҳалари ҳақида ҳисобот берди.

Қурилиш, саноат ва энергетика масалаларига масъул бош вазир ўринбосари Чоримурат Пурчеков Марий вилоятидаги давлат электростанцияда барпо қилинаётган «Ватан» ГЭСнинг Туркманистон–Афғонистон–Покистон электрузатиш линиясининг бир қисмига айланиши, шунингдек, Афғонистондаги Мозори-Шарифдан Кобулгача бўлган линияга сим тортилиши бўйича режалар хусусида ахборот берди.

Барча тақдимотлардан кейин Бердимуҳамедов энергетика масалаларига бағишланган мажлис ўтказди. Унинг сўзларига кўра, Туркманистондаги табиий ресурслардан фойдаланилса мамлакат бутун дунёда энг катта энергетик тараққий этган давлатлардан бирига айланади.

«Ички истеъмолчининг электренергияси таъминоти билан ишончли ва узлуксиз таъминланиши лозим, белгиланган ҳажмдан ортиқча ишлаб чиқарилган электр энергияси турли йўналишлар бўйича бошқа мамлакатларга экспорт қилинади», – деган Туркманистон давлат раҳбари.

Бердимуҳамедовнинг қўшимча қилишича, айни вақтда туркман электренергияси Эрон, Афғонистон, Ўзбекистон ва Туркманистонга экспорт қилинмоқда. Келгусида электрни Эрон ва Ўзбекистон воситасида бошқа бир учинчи мамлакатга транспортировка қилиш кўзда тутилган.

Йиғилиш якунида Тошҳовуз ҳокими Назармирот Назармиратов вилоятнинг барча аҳолиси номидан Бердимуҳамедовга Болқон–Тошҳовуз ҳалқасимон электртизими бўйича берган қимматли маслаҳатлари учун миннатдорлик билдирган.

Мажлисдан кейин Гурбангули Бердимуҳамедов Гўрўғли этрапидаги паррандачилик фермасига борди.

Туркманистон президентига парранда етиштириш комплексидаги ишлар ҳақида маълумот бериб, бу ерда тайёрланган маҳсулотларни намойиш қилишди. Ишчилардан бири дуторда куй чалиб, Бердимуҳамедовга бағишланган достонни куйлаб берди.

Бир ҳафта аввал Бердимуҳамедов Болқон вилоятида бўлган, бу ерда маҳаллий балиқчилар билан учрашган, улар Туркманистон давлат раҳбарига бахтли турмуш кечираётганликларини ҳикоя қилиб унга бағишланган қўшиқни куйлашганди.

Йил бошида Бедимуҳамедов Мари ва Лебоб вилоятларига ҳам сафар уюштирган.