Украина президенти Владимир Зеленский Россиянинг 24 та компанияси ва 52 нафар фуқаросига қарши санкция киритди. Бу борадаги тегишли қарор Зеленскийнинг сайтида эълон қилинган.
Рўйхатдагиларнинг асосий қисми — Қримда ишлайдиган россиялик судья ва амалдорлар. Шунингдек, рўйхатдан дизайнер Артемий Лебедев ва Россиянинг Шимолий Кавказ федерал округидаги доимий вакили, собиқ бош прокурор Юрий Чайка ҳам ўрин олган.
Бундан ташқари, Зеленский Украина Ташқи ишлар вазирлигига Европа Иттифоқи, АҚШ ва бошқа мамлакатларга ўзларининг муқобил санкцияларини қўллаш таклифини киритиш бўйича топшириқ берган.
Артемий Лебедевнинг Украинага киришига 2017 йилда тақиқ қўйилган. Бу унинг Киев назорати остида бўлмаган Қрим ва Донбасс ҳудудларига ташрифи билан изоҳланган эди.
Аввалроқ АҚШ КХДР билан алоқаси борликда гумонланган Россия фуқаросига қарши санкциялар киритгани, АҚШ ва Европа Иттифоқи миграция инқирози сабаб Беларусга қарши янги санкцияларни жорий этгани, Россия ҳукумати ҳар қандай чет элликларга қарши санкциялар киритишни таклиф қилгани тўғрисида хабар берилганди.
Мавзуга доир:
Москва бу маълумотларни рад этиб, Украинадаги ҳарбий ҳаракатларга тайёргарлик ҳақидаги хабарларни «қуруқ, асоссиз кескинлик» деб атамоқда. Қолаверса, Россия ғарб давлатларидан НАТОнинг шарққа томон кенгаймаслиги, Украина эса бу ташкилотга қабул қилинмаслиги ҳақида кафолат талаб қилган.
Изоҳ (0)