Футбол бўйича Италия Кубогининг 1/8 финалида «Рома» 20 январь, пайшанба куни «Лечче»ни меҳмон қилди.
Фото: Getty Images
Учрашувдаги ҳисобни кутилмаганда меҳмонлар очди. Бунга римликлар 40-дақиқада Мараш Кумбуланинг голи билан жавоб қайтарди. Иккинчи бўлим дебютида Тэмми Абраҳам римликларнинг иккинчи голини урди.
62-дақиқада «Лечче» бир ўйинчи кам бўлиб қолди. 64-дақиқада Элдор Шомуродов захирадан майдонга тушди. 81-дақиқада Шомуродов жамоасининг тезкор ҳужумини гол билан якунлади ва якуний ҳисобни ўрнатди.
Ушбу ғалаба эвазига «бўрилар» чорак финал йўлланмасини қўлга киритди. Аввалроқ «Интер», «Сассуоло», «Ювентус», «Лацио», «Милан», «Фиорентина» ва «Атланта» чорак финал масаласини ҳал қилганди.
Италия Кубоги
1/8 финал баҳси
20 январь, пайшанба
«Рома» — «Лечче» 3:1
Голлар: 0:1 – 15 Калабрези, 1:1 – 40 Кумбула, 2:1 – 54 Абрахам, 3:1 – 81 Шомуродов.
«Рома»: Руй Патрисиу, Карсдорп, Кумбула, Рожер, Мэйтленд-Найлз (Виня, 46), Сержиу Оливейра, Верету (Заниоло, 46), Кристанте, Абраҳам (Залевски, 86), Карлес Перес (Мхитарян, 46), Афена-Гьян (Шомуродов, 64).
«Лечче»: Блеве (Габриэль, 21), Жандре, Дермаку (Лучони, 46), Калабрези, Баррека, Листковски (Фараго, 65), Блен, Гаржуло, Ҳелгасон (Беркенгрен, 68), Оливьери, Ди Мариано (Кода, 46).
Огоҳлантиришлар: Листковски (12), Афена-Гьян (38), Ҳелгасон (44), Ди Мариано (45), Гаржуло (60), Рожер (71), Абраҳам (76).
Четлатиш: Гаржуло (62).
