Бугун,

  • USD 11014.01
  • RUB 191.8
  • EUR 10674.78

Ўзбекистон йўлларида сўнгги кунларда содир бўлган йўл-транспорт ҳодисалари тафсилотларини тақдим этамиз.

Сирдарёда Isuzu ва Damas тўқнашуви оқибатида 7 киши жабрланди

Фото: ЙҲХББ

Фото: ЙҲХББ

2022 йил 5 январь куни соат 13:30 ларда Сирдарё вилояти Мирзаобод тумани ҳудудидан ўтувчи 4Р-18А автомобиль йўлида Гагарин–Гулистон йўналишида ҳайдовчи Д.К. Isuzu автобусини бошқараётиб эҳтиётсизлиги оқибатида йўлнинг ўнг четида тўхтаб турган Damas русумли автомобилнинг орқа томонига тўқнашган.

Тўқнашув оқибатида автобус ҳайдовчиси Д.К. ва 5 нафар йўловчилари ҳамда Damas автомобили ҳайдовчиси К.К. ва йўловчиси З.Ч. га биринчи тез тиббий ёрдам кўрсатилган.

Мазкур ЙТҲ юзасидан Мирзаобод тумани ИИБ ЙҲХБ ходимлари томонидан суриштирув олиб борилмоқда.

Қўқон шаҳар судьяси ЙТҲга учради

2022 йилнинг 3 январь куни соат 09:00 чамасида Фарғона шаҳар Ал-Фарғоний ва Темир йўлчилар кўчалари кесишган чорраҳада жиноят ишлари бўйича Қўқон шаҳар суди судьяси М.У. иштирокида йўл транспорт ҳодисаси содир бўлди.

М.У. бошқарувидаги Nexia-2 ва йўл транспорт ҳодисасининг яна бир иштирокчиси Х.А. бошқарувидаги Nexia-3 автотранспорт воситалари шикастланган. Икки тарафдан ҳам оғир бўлмаган тан жароҳати олганлар бор.

Айни пайтда ҳолат юзасидан ваколатли орган ходимлари суриштирув ишлари олиб бормоқда.

Фарғонада Lacetti пиёда ўлимига сабаб бўлди

2022 йил 7 январь куни фуқаро А.Ж. бошқарувида бўлган Lacetti русумли автомашинасини «Сувлиариқ» маҳалласи ҳудудида бошқариб кетаётиб, велосипедчи Э.А.ни уриб юборган.

Оқибатида Э.А тан жароҳати олиб ҳодиса жойида вафот этган.

Мазкур ҳолат юзасидан Ёзёвон тумани ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (одам ўлимига сабаб бўлган транспортдан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари давом этмоқда.

Хоразмда Cobalt поезд билан тўқнашди

Фото: «Ўзбекистон темир йўллари»

Фото: «Ўзбекистон темир йўллари»

2022 йил 7 январь куни соат 18:18 да Хива–Тошкент йўналишида ҳаракатланаётган йўловчи поезд Хонқа–Боғот перегонидаги қўриқланмайдиган турдаги темир йўл кесишмасида 2001 йилда туғилган фуқаро Н.Х. Cobalt автомобилини бошқараётган пайтда, тўхташ белгисига амал қилмай ҳаракатланган.

Шу туфайли йўловчи поезди йўлига чиққан ва у билан тўқнашган. Автомобиль ҳайдовчиси касалхонага ётқизилган.

Йўловчи поезд тепловозига шикаст етказилгани боис махсус техника жалб қилиниб, унга техник хизмат кўрсатилган. Натижада поезд соат 19:15 да ўз ҳаракатини йўналиш бўйлаб давом эттирган ва йўловчиларни ўз манзилларига етказиб борган.

Ҳозирда ушбу ҳолат бўйича ҳуқуқ-тартибот ҳамда бошқа тегишли идоралар томонидан содир бўлган йўл транспорт ҳодисаси юзасидан суриштирув ва тергов ишлари олиб борилмоқда.

Изоҳ
Асосий янгиликлар