Товуқ гўштидан тайёрланадиган бир-биридан мазали таомлар рецепти

Товуқ гўштидан тайёрланадиган ушбу таомлар оила аъзоларнинг барчасига манзур келиши шубҳасиз.

Пергамент қоғозда пиширилган товуқ филеси

Пергамент қоғозига ўралиб пишириладиган ушбу товуқ кечки таом учун айни муддао.

Керакли маҳсулотлар:

• товуқ филеси – 300 грамм;
• ўсимлик ёғи – 1 ош қошиқ;
• қуритилган кўкатлар – 1/2 чой қошиқ;
• кориандр – 1/2 чой қошиқ;
• чили – 1/4 чой қошиқ;
• паприка – 1/2 чой қошиқ;
• туз.

1. Товуқ филеси ўта қалин бўлмаган бўлакларга бўлинади.
2. Пергамент қоғозига ўсимлик ёғи суртилади. Туз ва зираворларнинг барчаси аралаштирилади ва пергамент қоғозга сепилади.
3. Товуқ бўлаклари пергамент қоғозга ўралади ва бир қисми очиқ олади.
4. Қуруқ товада филелар ҳар томони 3 дақиқа давомида пиширилади ва оловни ўчириб, 2 дақиқага қолдирилади.
5. Товуқ филеларини таъбга кўра гарнир билан дастуронга тортиш мумкин.

Товуқли шаурма

Уй шароитида ўз қўлингиз билан шаурма тайёрлаб кўринг.

Керакли маҳсулотлар:

• лаваш хамири – 90 грамм;
• саримсоқ соуси – 50 грамм;
• грилда пиширилган товуқ гўшти – 130 грамм;
• тузланган бодринг – 30 грамм;
• помидор – 20 грамм;
• салат барги– 8 грамм;
• кўкатлар.

1. Лаваш хамирига саримсоқ соуси суртиб чиқилади ва устидан салат барги терилади.
2. Салат барги устидан тўғралган тузланган бодринг ва помидор солинади.
3. Сўнгра товуқ гўшти ва яна бодринг, помидор териб чиқилади ва саримсоқ соуси қуйилади.
4. Лаваш хамири рулет шаклида ўралади ва 200 даража қидирилган печнинг панжарасига қўйиб пиширилади.
5. Дастурхонга тортишдан аввал икки қисмга бўлинади ва кўкатлар билан безатилади.

 Форсча товуқ рецепти

Керакли маҳсулотлар:

Товуқ учун:

• бутун товуқ
• паприка – 2,5 чой қошиқ;
• саримсоқ кукуни – 1,5 чой қошиқ;
• кориандр – 0,5 чой қошиқ;
• зира – 0,5 чой қошиқ.

• кетчуп – 1 ош қошиқ;
• олма сиркаси – 1/4 қошиқ;
• жигарранг шакар – 0,5 ош қошиқ;
• чили – 1 чой қошиқ;
• саримсоқ кукуни, мурч.

1. Кичик идишга барча зираворлар солиб аралаштирилади. Товуқ бутунлигича ювилади, кўкрак ва сон қисми пичоқ билан бироз кесиб қўйилади. Зираворлар аралашмаси товуққа сепилади.
2. Электр қозонга товуқни солиб, қопқоғи ёпилади ва энг паст режимга қўйилади.
3. Товуқ 6-7 соат давомида пиширилади.
4. Соус учун ажратилган масаллиқларнинг барчаси аралаштирилади ва микротўлқинли печга 4 дақиқага қўйилади.
5. Соус товуқ устидан қуйилади ва яна 10-15 дақиқага димланади.

Хамири қат-қат товуқли пирог

Керакли маҳсулотлар:

• товуқ филеси – 600 грамм;
• исмалоқ – 200 грамм;
• саримсоқ – 1 дона;
• зайтун мойи – 1-2 ош қошиқ;
• рикотта пишлоғи – 200 грамм;
• фета пишлоғи – 150 грамм;
• қуритилган помидор – 45 грамм;
• лимон шарбати – 2 ош қошиқ;
• қатламали хамир – 10 дона;
• эритилган сариёғ – 50 грамм;
• лимон қобиғи.

1. Товуқ майда тўғралиб, зайтун мойи билан товада қовурилади. Устидан тўғралган саримсоқ ва исмалоқ қўшилади ва совитишга қўйилади.
2. Идишга рикотта, фета пишлоғлари, лимон қобиғи ва шарбати аралаштирилади.
3. Начинка қовурилган гўштга қўшилади.
4. Хамирга сариёғ сурилади ва устма-уст қўйилади.
5. Сўнгра қолип устига чет қисмлари чиқарилган ҳолда қўйилади ва ичига начинка солинади.
6. Хамирнинг чети бирлаштириб чиқилади.
7. Печга 180 даражага 50-60 дақиқага қўйилади.