Фотогалерея: 2021 йилда дунё коронавирус пандемиясини қандай ўтказди?
Хитойда вируснинг янги тури топилгани ҳақидаги биринчи хабарлардан икки йил ўтиб, дунё SARS-CoV-2 пандемияси билан курашишда давом этмоқда. Коронавирусга қарши вакциналарнинг жадал ишлаб чиқилиши кўплаб мамлакатларга чекловларни енгиллаштиришга ёрдам берди, аммо мажбурий вакцинациядан воз кечиш ва одамларни нормал ҳаётга қайтариш талаби билан ўтказилган норозилик намойишлари деярли ҳамма жойда кузатилди.
Вирус мутацияга учрашда давом этиб, касалликнинг янги тўлқинларини келтириб чиқармоқда. Дунё 2022 йилга коронавируснинг кўп сонли мутацияларга эга янги варианти — «омикрон» тарқалишининг оқибатларидан хавфсираб қадам қўймоқда. Мутахассисларнинг у ҳақидаги фикрлари иккига бўлинган: баъзилари «омикрон»да пандемия тугашининг хабарини, бошқалари фақатгина курашнинг давомини кўрмоқда.
3 январь. АҚШ коронавирус юқтирганлар ва вафот этганлар сони бўйича етакчи бўлиб қолмоқда. Суратда COVID-19 аниқланган ўн кишилик оила Рождествони Стемфорддаги уйида карантинда нишонламоқда.Фото: Getty Images
24 январь. Ҳиндистондаги юқумли касалликлар шифохоналарида жиддий кислород танқислиги кузатилди. Шифокорлар оғирроқ касалларга кислород етиши учун бошқа беморларнинг оилаларидан иложи бўлса, уларни уйига олиб кетишни сўрашга мажбур эди.Фото: AP Photo
1 февраль. АҚШда COVID-19 нинг «британча» штамми билан касалланиш бўйича биринчи ҳолат Колорадода аниқланди.Фото: Getty Images
25 февраль. Исроил ҳукумати соат 20:30 дан эрталабки 5:00 гача комендантлик соати жорий қилди. Бундан мақсад COVID-19 тарқалишининг кучайишига олиб келиши мумкин бўлган оммавий байрамларнинг олдини олиш эди. Суратда: исроилликлар яҳудийларнинг Пурим байрамини нишонламоқда.Фото: Getty Images
26 февраль. Рассом Флориан Меҳнертнинг Штутгарт балет раққосалари иштирокидаги ижтимоий масофага оид бадиий лойиҳаси.Фото: Getty Images
1 март. АҚШнинг Колорадо штати Луисвилл шаҳридаги қариялар уйида беморларнинг яқинлари билан кўришиши учун пластик қучоқ ўрнатилди.Фото: AP Photo
8 март. Узоқ давом этган COVID-19 тўлқини бутун Ҳиндистонни қамраб олди, натижада ўлимлар кескин кўпайди ва соғлиқни сақлаш тизимига катта юк тушди. Суратда: Ражастандаги қишлоқ аҳолисини эмлаш жараёни.Фото: Getty Images
14 март. Нью-Йоркда коронавирусдан биринчи ўлим қайд этилганига бир йил тўлиши муносабати билан COVID-19 пандемияси туфайли ҳалок бўлган ню-ёркликларнинг суратлари Бруклин кўпригида намойиш этилди.Фото: Getty Images
13 апрель. Англияда спорт заллари, гўзаллик салонлари, сартарошхоналар, бассейнлар, кутубхоналар, ҳайвонот боғлари, кўнгилочар боғлар ва ресторанлар қайта очилди.Фото: EPA
15 апрель. Бразилиядаги ночор аҳолига коронавируснинг хавфи ва уни олдини олиш ҳақида маълумот беришга кўмаклашувчи тушунтириш кампанияси бошланди. Суратда: Петрополисдаги болалар билан саломлашаётган Капитан Америка кийимидаги ҳарбий полиция зобити.Фото: AP Photo
21 апрель. Чилида COVID-19 нинг янги эпидемияси кузатилди. Реанимация бўлимлари тўлиб кетди, мамлакат иккинчи марта чегараларини ёпди. Суратда: Сантьягодаги Ла Реколета қабристонида коронавирус қурбонлари куйдирилганидан кейин бўш тобутларни олиб кетаётган ишчи.Фото: AP Photo
21 июнь. Ҳиндистонлик тиббиёт ходими Сринагар тоғларида кашмирлик чўпонларни эмлаш учун вакциналар билан тўлдирилган музлатгични олиб кетмоқда.Фото: AP Photo
5 июль. Июнь ойида Москвада COVID-19 билан боғлиқ вазият ёмонлашди. Пойтахтдаги Гостиний двор участкасида Россиядаги энг йирик эмлаш пункти очилди. Унинг вакцинациядан ўтказиш қуввати кунига олти минг кишига етади.Фото: Getty Images
22 июль. Кўпгина Европа мамлакатларида эскирган чекловларни кучайтиришга қарши ҳаракатлар олиб борилмоқда. Суратда: Греция полицияси Афинада фуқароларнинг айрим тоифаларини мажбурий эмлашга қарши ўтказилаётган митинг иштирокчиларига қарши сув пуркагичлардан фойдаланмоқда.Фото: AP Photo
5 август. Бразилия мактаблари бир ярим йиллик масофавий таълимдан сўнг одатий форматдаги дарсларни қайта бошлади.Фото: AP Photo
12 август. Индонезияда дафн маросими бригадалари мамлакатнинг кўплаб ҳудудларида кеча-ю кундуз ишлайди. Улар нафақат ўзларининг асосий ишларини бажаради, балки одамларга коронавирусдан вафот этганларнинг жасадини қандай қилиб хавфсиз сақлашни ўргатади.Фото: Getty Images
20 август. Хьюстон ўт ўчириш хизмати шифокорлари коронавирус билан касалланган беморни касалхонага олиб кетмоқда. АҚШнинг Техас штатидаги ушбу энг йирик шаҳарда дельта штаммининг тарқалишида сезиларли ўсиш кузатилмоқда. Шу сабабдан тез тиббий ёрдам ходимлари ва шаҳар касалхоналари босим остида қолган.Фото: Getty Images
23 август. Хитой кейинги семестр учун мактабларни очишга тайёрланмоқда. Суратда: Бочжоу шаҳридаги 2-ўрта мактабда кўнгиллилар дезинфекцияловчи воситани пуркамоқда.Фото: Getty Images
23 сентябрь. Таиландда хорижий сайёҳларни қабул қилиш режалари кечиктирилди, чунки бешта провинция COVID-19 га қарши эмлаш режасидан орқада қолаётганди.Фото: EPA
13 октябрь. Япониянинг Осака шаҳридаги патинко автомат ўйинлари зали вақтинчалик эмлаш станциясига айлантирилди. Япония бош вазири декабрь ойидан ревакцинация бошланишини эълон қилди, шу орқали мамлакат қишда вируснинг қайта тарқалишига йўл қўймасликни режалаштирган.Фото: Getty Images
21 октябрь. Австралиянинг аҳоли сони бўйича иккинчи йирик шаҳрида қатъий карантин бекор қилинди. Мельбурнда локдаунлар 2020 йилнинг март ойидан жорий қилинишни бошлаган. Ҳаммаси бўлиб, шаҳар аҳолиси жами тўққиз ой давом этган олтита локдаунни ўтказди. Шундай қилиб, Мельбурн дунёдаги энг узоқ қатъий чекловларни сақлаб қолиш бўйича рекордни янгилади.Фото: EPA
27 октябрь. Перуда COVID-19 дан вафот этганлар сони аҳоли сонига нисбатан энг юқори. Мамлакатда ўлим даражаси 1 миллион кишига 5987 ҳолатни ташкил қилади. Суратда: Pfizer/BioNTech вакцинаси билан Титикака кўли яқинидаги Пуно ҳудуди аҳолисини вакцинациядан ўтказиш жараёниФото: AP Photo
11 декабрь. Бразилия ҳукумати беш ёшдан 11 ёшгача бўлган болаларни Pfizer билан эмлашни маъқуллади, мамлакатда COVID-19 дан болалар ўлимининг юқорилиги бунга сабаб бўлган.Фото: AP Photo
Изоҳ (0)