Чеченистон раҳбари Рамзан Қодировнинг қизи, респбулика маданият вазири Айшат Қодирова «Чеченистонда хизмат кўрсатган маданият ходими» унвонини олди. Бу ҳақда Чеченистоннинг миллий сиёсат, ташқи алоқалар, матбуот ва ахборот вазири Аҳмед Дудаев Instagram саҳифаси орқали маълум қилди, деб хабар беради Meduza.
«Халқимиз анъаналарига эътиборли муносабати, ёш авлодни улуғвор одатларимиз руҳида тарбиялашга интилиши туфайли у ўзига ишониб топширилган соҳада кўплаб инқилобий ва ижобий ўзгаришларни амалга оширишга эришди», — деб ёзади Дудаев.
Эслатиб ўтамиз, 25 декабрь куни Айшат Қодирова «Инсон ҳуқуқларини ҳимоя қилгани учун» медали билан мукофотланганди.
Маълумот учун, 1998 йилнинг 31 декабрида туғилган Айшат Қодирова 2021 йилнинг октябрида маданият вазири этиб тайинланганди. Бунга қадар у бир йилдан ортиқ вақт давомида Чеченистон маданият вазирининг биринчи ўринбосари бўлган.
Аввалроқ Чеченистон раҳбари Рамзан Қодировнинг қизи — Грозний шаҳри мактабгача таълим департаменти бошлиғи Хадижат Қодирова «Чеченистон Республикаси олдидаги хизматлари учун» медали билан тақдирлангани тўғрисида хабар берилганди.
Мавзуга доир: Путин Рамзан Қодировни навбатдаги орден билан тақдирлади
Изоҳ (0)