Иорданияда парламент депутатлари мажлис давомида ўзаро муштлашиб кетди. Бу ҳақда Reuters агентлигига таяниб, Tengrinews хабар берди.
Таъкидланишича, мазкур воқеа депутатлардан бири мажлис вақтида конституцияга ўзгартириш киритиш бўйича билдирилган таклифлар бўйича асоссий гапларни айтгани учун узр сўрашдан бош тортгани оқибатида бошланган.
Агентликнинг аниқлик киритишича, палата конституциянинг тенг ҳуқуқлилик бўлимига Иордания фуқаролигини англатувчи араб тилининг ‘женский роддаги отни’ киритишни муҳокама қилган. Бу қўшимчани парламентнинг айрим аъзолари «кераксиз» деб атаган. Шундан сўнг, депутатлар гуруҳи овозини кўтарган ҳолда мажлис залида баҳслашишга киришган. Улардан икки нафари эса ўртага чиқиб, муштлашиб кетган.
«Даҳанаки бошланган жанг бир нечта депутатлар томонидан муштлашувга айланиб кетди. Бу каби хатти-ҳаракат халқимизга хос эмас ва мамлакатимиз обрўзига путур етказади», — дейди парламент аъзоси Ҳалил Атиех.
Юзага келган жанжал сабаб мажлисни ярим соатга тўхтатишга тўғри келган. Можаро оқибатида ҳеч ким жабрланмаган.
Мавзуга доир: Рада депутатлари тўғридан-тўғри эфирда муштлашиб кетди
Изоҳ (0)