Пальма оролида вулқон отилиши тўхтади. 3 ой отилган вулқон оролни таниб бўлмас даражада ўзгартирди (фото)
Декабрь ойи ўрталарида Испаниянинг Пальма оролидаги Камбре-Вьеха вулқони отилишдан тўхтади. Шу билан бирга мутахассислар вулқон яна фаоллашиши мумкинлигини истисно қилмаяпти. Аммо бусиз ҳам вулқон отилиши қарийб уч ой давом этди: минглаб одамлар эвакуация қилинди, минглаб бинолар вайрон бўлди. Кўчалар, уйлар, йўллар қалин кул қатлами билан қопланди. Meduza вулқон отилиши даврида Пальма ороли қай тарзда ўзгаргани ва ҳозир қандай кўринишда экани ҳақида фоторепортаж тайёрлади.
Канар ороллари таркибига кирувчи Пальма оролидаги Камбре-Веха вулқони 2021 йил 19 сентябрда отилишни бошлаганди — ўшанда етти мингдан ортиқ одам эвакуация қилинган, уч мингга яқин бино вайрон бўлган. Вулқон 15 декабрга келибгина отилишдан тўхтади.Фото: AFP
Декабрь ойи бошида вулқоннинг атрофи шундай кўринишга кирганди.Фото: EPA
Испания аскарлари вулқон отилишидан кейин уйларни қоплаган кулни олиб ташламоқда.Фото: AFP
Бу уйнинг пастки қавати бутунлай кул билан қопланган. Уй олдида лава оқиб ўтган ёриқни кўриш мумкинФото: AP Photo
Кул қоплаган машина устидаги «Омад ёр бўлсин» ёзуви. 2021 йил-15 декабрьФото: AFP
Кул билан қопланган қайиқ ёнидаги мушук. Вулқон отилиши ва одамларнинг эвакуация қилиниши ортидан кўплаб уй ҳайвонлари эгасиз қолди. Айримлари лава оқими туфайли «тузоққа» тушган. Улар учун дронлар ёрдамида оролга озиқ-овқат ташлаб турилган.Фото: AP Photo
Канар оролларидаги кул остида қолган қабрлар.Фото: AP Photo
Оролдаги кўплаб уйларни том маънода кул «ютиб юборган».Фото: Reuters
Банан плантациясидан ўтган лава оқими.Фото: AP Photo
Умумий ҳисобда вулқон 10 миллион куб метрдан ортиқ кулни «улоқтирган»Фото: AP Photo
Вулқон отилишидан сўнг футбол майдончалари шундай кўринишга кирди.Фото: AP Photo
Бутунлай кул билан қопланган уй мўриси.Фото: AP Photo
Изоҳ (0)