Palma orolida vulqon otilishi to‘xtadi. 3 oy otilgan vulqon orolni tanib bo‘lmas darajada o‘zgartirdi (foto)
Dekabr oyi o‘rtalarida Ispaniyaning Palma orolidagi Kambre-Vyexa vulqoni otilishdan to‘xtadi. Shu bilan birga mutaxassislar vulqon yana faollashishi mumkinligini istisno qilmayapti. Ammo busiz ham vulqon otilishi qariyb uch oy davom etdi: minglab odamlar evakuatsiya qilindi, minglab binolar vayron bo‘ldi. Ko‘chalar, uylar, yo‘llar qalin kul qatlami bilan qoplandi. Meduza vulqon otilishi davrida Palma oroli qay tarzda o‘zgargani va hozir qanday ko‘rinishda ekani haqida fotoreportaj tayyorladi.
Kanar orollari tarkibiga kiruvchi Palma orolidagi Kambre-Vyexa vulqoni 2021-yil 19-sentabrda otilishni boshlagandi — o‘shanda yetti mingdan ortiq odam evakuatsiya qilingan, uch mingga yaqin bino vayron bo‘lgan. Vulqon 15-dekabrga kelibgina otilishdan to‘xtadi.Foto: AFP
Dekabr oyi boshida vulqonning atrofi shunday ko‘rinishga kirgandi.Foto: EPA
Ispaniya askarlari vulqon otilishidan keyin uylarni qoplagan kulni olib tashlamoqda.Foto: AFP
Bu uyning pastki qavati butunlay kul bilan qoplangan. Uy oldida lava oqib o‘tgan yoriqni ko‘rish mumkinFoto: AP Photo
Kul qoplagan mashina ustidagi “Omad yor bo‘lsin” yozuvi. 2021-yil-15 dekabrFoto: AFP
Kul bilan qoplangan qayiq yonidagi mushuk. Vulqon otilishi va odamlarning evakuatsiya qilinishi ortidan ko‘plab uy hayvonlari egasiz qoldi. Ayrimlari lava oqimi tufayli “tuzoqqa” tushgan. Ular uchun dronlar yordamida orolga oziq-ovqat tashlab turilgan.Foto: AP Photo
Kanar orollaridagi kul ostida qolgan qabrlar.Foto: AP Photo
Oroldagi ko‘plab uylarni tom ma’noda kul “yutib yuborgan”.Foto: Reuters
Banan plantatsiyasidan o‘tgan lava oqimi.Foto: AP Photo
Umumiy hisobda vulqon 10 million kub metrdan ortiq kulni “uloqtirgan”Foto: AP Photo
Vulqon otilishidan so‘ng futbol maydonchalari shunday ko‘rinishga kirdi.Foto: AP Photo
Butunlay kul bilan qoplangan uy mo‘risi.Foto: AP Photo
Izoh (0)