АҚШ президенти Жо Байден 2024 йилда ўтказиладиган президентлик сайловларида иккинчи муддатга сайланиш ниятида. Бу ҳақда Оқ уй матбуот котиби Жен Псакига таяниб, «Интерфакс» хабар берди.
«Бу унинг нияти» — деган Псаки журналистларнинг Байден кейинги президентлик сайловларида иштирок этиш ниятидами ёки йўқми деган саволга.
Шу орқали матбуот котиб қатор Америка ОАВларининг Байден ва унинг яқин маслаҳатчилари сўнгги кунларда ўз иттифоқдошларини иккинчи муддатга номзодини қўйишни режалаштираётгани тўғрисида тарқатган хабарларини тасдиқлаган.
2024 йилги сайловларда иштирок этиш ниятида АҚШ президенти инаугурациядан кейин деярли дарҳол эълон қилган.
«Мен иккинчи муддатга номзодимни қўйишни режалаштиряпман. Мен буни кутяпман», — деганди 78 ёшли Байден март ойида. Ўшанда у катта эҳтимол билан АҚШнинг амалдаги вице-президенти Камала Харрис ҳам қайта сайланиши мумкинлигини қўшимча қилганди.
Шунга қарамай, Байденнинг рейтинги сўнгги ҳафталарда пасайиб бормоқда. Quinnipiac университети томонидан ўтказилган сўнгги сўровларга АҚШ президенти Жо Байденнинг фаолиятини америкаликларнинг 36 фоизигина маъқуллаган. Бу янги тарихий минимум ҳисобланади. Бундан олдинги энг паст натижа октябрь ойида — сўров иштирокчиларининг 38 фоизини уни қўллаб-қувватланган вақтда қайд этилганди.
Бундан ташқари, кўпчиликни Байденнинг кексалиги иккилантирган. 2024 йилда АҚШ президенти 82 ёшга тўлган бўлади.
Изоҳ (0)