Туркия жиноятчиликка қарши курашда Халқаро жиноий полиция ташкилоти (Интерпол) аъзоларининг ёрдамига таянади. Бу ҳақда Туркия президенти Ражаб Тойиб Эрдўғон Интерполнинг 89-бош ассамблеяси иштирокчиларига йўллаган видеомурожаатида айтиб ўтди.
«Жиноятга қарши курашда, айниқса, FETO (Фатҳуллачилик ташкилоти) ва КИП (Курдистон ишчилар партияси) террорчиларини экстрадиция қилиш масаласида Интерпол аъзоларидан фаол ёрдам кутамиз. Демократик асосларга тажовуз қилаётган ва тинч аҳолининг ҳаётига зомин бўлаётган террорчилар кўчаларда бемалол юрмаслиги керак», — деди Эрдўғон.
Туркия раҳбари, шунингдек, «қатор Ғарб давлатлари ва халқаро ташкилотларнинг Интерпол фаолиятига таъсир ўтказишга уринишларини» номақбул деб атади. «Интерпол ҳеч қандай шартларсиз террорчиларга қарши курашни қўллаб-қувватлаши ҳамда у ёки бу давлатнинг позициясини эътиборга олмаслиги жуда муҳим», — деди Туркия президенти.
Интерполнинг 89-бош ассамблеяси 23—25 ноябрь кунлари Истанбулда бўлиб ўтмоқда. Унинг доирасида ташкилотнинг янги президенти учун сайловлар бўлиши кутилмоқда.
Мавзуга доир:
- Интерпол италиялик наркобароннинг қамоқдан қочишига ёрдам берган россияликларни қўлга олди
- Хитойда Интерполнинг собиқ раҳбари пора олишда айбланиб, 13,5 йилга озодликдан маҳрум қилинди
- Интерпол саудиялик журналист Жамол Қошиқчининг ўлдирилишига алоқадорликда гумон қилинаётган 20 кишини қидирувга берди
Изоҳ (0)