Хитой товуш тезлигидан беш баравар тезкор уча оладиган гипертовушли ракетани учириб кўрди, деб хабар беради Tengrinews.
Мазкур синовлар ҳақида биринчи бўлиб Financial Times газетаси хабар берган. Таъкидланишича, синовлар 2021 йилнинг июлида Жанубий Хитой денгизида бўлиб ўтган. Тахминларга кўра, синовдан ўтказилган қуролнинг яксон қилинадиган нишони бўлмаган ва синовлар давомида унинг фақатгина имконияти текширилган. Қайд этилишича, денгиз устидан учиб ўтаётган ракетадан бошқа бир объект ажралган — у учиш аппаратлари учун мўлжалланган «ҳаво-ҳаво» классидаги бошқарилувчан ракета бўлиши мумкин.
Нашр маълумотларига кўра, АҚШ Мудофаа вазирлигининг Мудофаа соҳасидаги истиқболли тадқиқот лойиҳалари агентлиги Хитой қандай қилиб «физика қонунларини четлаб ўтиб» қурол яратишга муваффақ бўлганини тушунишга уринмоқда.
Оқ уй ракетанинг учирилишига изоҳ беришдан бош тортиб, яна бир бор хавотирда эканликларини билдирган. Хитойнинг АҚШдаги элчихонаси бу каби қуролнинг синови бўйича маълумотга эга эмаслигини маълум қилган.
Аввалроқ Пентагон Хитой 2027 йилга қадар қуролланишга 700 та ядро каллагини етказиб беришни, 2030 йилга бориб эса уларнинг сонини мингга етказишни режалаштираётгани, АҚШ бетон объектларни йўқ қиладиган янги авиабомбани синовдан муваффақиятли ўтказгани тўғрисида хабар берилганди.
Изоҳ (0)