«Сеними, шошмай тур. Таътиллар» анимацион сериали яратувчилари мультфильмнинг биринчи трейлерини тақдим этди. «Сеними, шошмай тур!» номли машҳур мультсериалнинг тақдимоти Comic Con Russia конвентида намойиш этилди, деб хабар бермоқда «Film.ru».
Бўри ва қуённинг саргузаштлари ҳақидаги янги анимацион сериал намойиши 2021 йилнинг декабрь ойида Okko сервисида тақдим этилади, аммо аниқ санаси маълум эмас. Трейлер муаллифлар аввалроқ изоҳ қолдириш имкониятини ўчириб қўйган «Союзмультфильм» киностудиясининг YouTube каналида ҳам эълон қилинган: видео жойлаштирилгандан кейин дизлайклар сони 2,5 мингтани ташкил қилган.
Асосий қаҳрамонларга Гарик Харламов ва Дмитрий Хрусталёв овоз берган. Янги сериалда чекиш билан бирга Бўрида яна бир ёмон одат — видеоўйинларга иштиёқ пайдо бўлади.
Аввалроқ «Сеними, шошмай тур!», «Ажойиб Гоша» ва «Адашган тўтининг қайтиши» каби мультсериалларнинг яратувчиларидан бири Александр Курляндский вафот этгани ҳақида хабар берилган эди.
Мавзуга доир:
- «Союзмультфильм» «Сеними шошмай тур» мультфильмининг янги қаҳрамонлари қандай кўринишда бўлишини намойиш қилди
- «Сеними, шошмай тур!»даги Бўри жинси ва кроссовка кийиб олди. «Союзмультфильм» афсонавий мультфильмни қайта тақдим этишга тайёрланмоқда
- «Союзмультфильм» «Сеними, шошмай тур!» мультсериалидаги янги қаҳрамонни овозлаштириш учун кастинг эълон қилди
Изоҳ (0)