Мода ҳафталиклари доирасидаги тенденцияларнинг пайдо бўлиши ортида нафақат жаҳон дизайнерлари, балки мода блогерлари, тиктокерлар ҳам стриминг платформалари ҳам таъсир кўрсатди.
Сўнгги икки йилда ит-буюмлар (мода тенденциясини яратувчи буюм ва аксессуарлар) ҳам оммалашди. Мисол учун, 2020 йил «Қироличанинг юриши» сериали орқали шахмат нусха кийим урф бўлган бўлса, «Калмар ўйини» сериалидан кейин Ванс оқ слипонлар сотуви бир неча фоизга ошган.
Кангол панамаси
Таниқли дизайнер Патрисия Филд «Эмили Парижда» сериалидаги қаҳрамонлар либоси учун масъул эди. Шу сабабли, бош қаҳрамоннинг услуби тан олиш керак, баъзан баҳсли, миллионлаб томошабинлар эътиборига тушиши кутилган эди. Натижада лойиҳанинг расмий ҳамкорига айланган Chanel компанияси савдо ҳажмини 25 фоизга оширди. Лекин ҳақиқий муваффақият Кангол бош кийими эди. Эмили бренднинг панамаларида пайдо бўлганидан сўнг аксессуарларга бўлган талаб 342 фоизга ошди ва панамалар шкафнинг энг керакли элементига айланди.
Жордан кроссовкаси
Умуман олганда, актёрнинг услубига бир қатор стилистлар масъул бўлган, жумладан, Омар Сининг ўзи ҳам. Netflix’га берган интервьюсида актёр, ижодий гуруҳ учун унинг образи ҳақида ўйлаши жуда муҳим эканини айтди. Шунинг учун ҳам у Жордан коллекциясидан фойдаланишга қарор қилди. Гарчи Жордан бренди рекламага муҳтож бўлмаса-да, «Люпин» премьерасидан кейин кроссовкаларга бўлган талаб бир неча баробар ошди.
Корсетли кўйлак
«Брижертонлар» сериали 2021 йилнинг энг кўп муҳокама қилинган лойиҳасига айланди. Аммо баъзилар Ҳастингс герцоги учун шеърлар ўқиса, бошқалари бош қаҳрамон тасвиридаги либосларини ўз гардеробига жойлади. Шундай қилиб, сериал намойиши корсетларга бўлган талабни оширди. Мисол учун, Etsy савдо платформасида фойдаланувчиларнинг бундай элементига қизиқиши 91 фоизга ўсди.
Узун этиклар
2021 йилнинг энг оммалашган сериаллари қаторида янги «Ғийбатчи қиз» эгаллади. Лойиҳанинг расмий премьерасидан олдин ҳам бош қаҳрамонларнинг услуби барчанинг эътиборини тортди ва дарҳол мода майдонига ўз тенденциялари билан кириб келди. Сериалда қаҳрамонлар эгнидаги курткалари, классик оқ кроссовкалар, аёллар галстуклари, узун этиклар ва теридан тикилган пальтолар оммалашди.
Оқ Vans слипонлари
«Калмар ўйини» сериали мода саноатига қандай таъсир қилиши мумкин? Сериалдаги каби яшил спорт костюмларини ҳозир деярли ҳар бир оммавий бозорда топиш мумкин, аммо шунга қарамай, энг кўп муҳокама қилингани оқ рангли Vans слипон кроссовкалари эди. Маълумотларига кўра, уларнинг қидируви 145 фоизга ўсган.
Бейсбол
«Сен» сериалида қаҳрамон Пенн Бежлини услуб яратувчиси деб бўлмайди, аммо уч мавсум давомида унинг бейсболи нафақат лойиҳанинг ўзига хос белгисига, балки замонавий аксессуарга ҳам айланди. Унинг гардеробида бейсболнинг классик қорадан тортиб то кўк рангигача мавжуд.
Изоҳ (0)