Сурхондарёда фуқароларнинг омонатга қўйган маблағини ўзлаштирган собиқ банк бўлим бошлиғининг кирдикорлари фош бўлди, деб хабар беради Бош прокуратура ҳузуридаги департамент.
Маълум қилинишича, департаментнинг Бойсун туман бўлими томонидан АТ «Халқ банки» туман филиалининг мурожаатига асосан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказган.
Текширувда филиалнинг чакана хизматлари собиқ бўлим бошлиғи Ж.Т. 9 нафар фуқаронинг омонатга қўйиш учун топширган жами 566 млн сўм нақд пулларини омонат ҳисоб рақамларига қўймасдан, ўзининг шахсий эҳтиёжларига ишлатиб, талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Аввалроқ Чироқчида банкирлар 119 нафар фуқаро номига расмийлаштирилган салкам 1 миллиард сўмни ўзлаштиргани, Сурхондарёда 741 млн сўмдан ортиқ бюджет маблағларини талон-торож қилган вилоят перинатал маркази мутасаддиларига жиноят иши қўзғатилгани тўғрисида хабар берилганди.
Мавзуга доир:
- Андижонда банкоматлардан ноқонуний равишда 345,5 млн сўмни ўзлаштирган банк ходимига жиноят иши очилди
- Бухорода бандлик маркази мансабдорлари 134 млн сўм бюджет маблағларини талон-тарож қилгани маълум бўлди
- Андижонда 50 нафар кам таъминланган фуқарога ажратилган маблағлар талон-торож қилингани аниқланди
Изоҳ (0)