Ўзбекистоннинг Qanot Sharq хусусий авиакомпанияси 17 ноябрь куни Россиянинг Сочи шаҳрига илк парвозини амалга оширди, деб хабар бермоқда Spot компания матбуот хизматига таяниб.
Маълум қилинишича, Тошкент—Сочи—Тошкент йўналиши бўйича мунтазам рейс ҳар чоршанба куни Airbus 320 самолётларида амалга оширилади. Парвоз вақти тахминан 3 соат 50 дақиқани ташкил этади.
Парвозлар жадвали (Тошкент вақти билан):
- Тошкентдан учиш — 13:00, Сочига қўниш — 14:50;
- Сочидан учиш — 16:20, Тошкентга қўниш — 21:45.
Qanot Sharq Ўзбекистонда биринчи хусусий авиаташувлар хизматини йўлга қўймоқчилиги 2019 йилда маълум бўлганди. 2021 йилнинг июлида компания тегишли рухсатномага эга бўлди.
Сочидан ташқари, компания БААнинг Шаржа шаҳрига парвозларни амалга оширди, Тошкентдан Москва ва Киевга чартер рейсларни йўлга қўйди.
Изоҳ (0)