Болаларни тарбиялаш осон иш эмас. Айниқса, фарзандларига оғир касаллик ташхиси қўйилган машҳур инсонлардан катта жасорат талаб этилади.
Колин Фаррелл
Машҳур актёрнинг тўнғич ўғли 18 ёшда. Жеймс «бахтли қўғирчоқ синдроми» ёки Ангелман деб аталадиган касалликдан азият чекади. Бундай ташхис билан оғриган беморларда тез-тез томир тортишиши ва асоссиз баланд кулиш ҳолатлари кузатилади. Жеймс илк қадамларини 4 ёшида ташлаган, 7 ёшида гапирган, 13 ёшида эса биринчи марта мустақил равишда овқатланган. Колин боланинг онаси билан узоқ йиллар аввал ажрашган, аммо ўғлининг ҳолидан ҳамиша хабар олиб туради.
Тони Брекстон
Хонанданинг кенжа ўғли Дизельга аутизм ташхиси қўйилганида, бола уч ёшда эди. Ҳозирда у 18 ёшда ва онаси унинг бутунлай соғлом эканлигига ишонтирмоқда. Тони оғир касаллик ташхисини билгач, ўзини айблаган ва буни аввал қилдирган аборти учун жазо деб билган. Шунингдек, у шифокорларни ҳамма нарсада айблади, гўё улар боладаги касалликни дарҳол англамаган. Бироқ хонанда ўғли учун ўзини тутиб, кучли бўлишга ҳаракат қилди ва Дизельни энг яхши мутахассисларга кўрсатди, натижага кўра унинг ҳаракатлари беҳуда кетмади.
Силвестр Сталлоне
Актёрнинг кичик ўғли Сержио 1979 йилда туғилган. Ота-она касалхонага кенг қамровли текширувдан ўтиш учун у билан бирга борганида, бола уч ёшда эди. Бу мурожаатга боланинг ўзини бошқача тутиши сабаб бўлган. Ташхис натижаси салбий эди: Сержиода оғир туғма аутизм даражаси аниқланган.
Шифокорлар болани ихтисослаштирилган муассасага юборишни таклиф қилган, аммо ота-она бу ҳақда ўйлашни ҳам хоҳламади. Силвестр янада қаттиқроқ ишлай бошлади ва гонорарини боланинг даволанишига сарфлади. Ажримдан кейин ҳам актёр ўғлини ташлаб қўймади, у ўғлининг махсус эҳтиёжларига тўлиқ мос равишда уй жиҳозлади. Бироқ Сержионинг ўз дунёси бор ва унга ҳатто отаси билан ҳам мулоқот қилиш қийинчилик туғдиради.
Жон Траволта
2009 йилда Жон Траволта оиласида ачинарли воқеа содир бўлди: унинг 16 ёшли ўғли Жетт эпилепсия туфайли вафот этди. Фақат фожиадан сўнг Жон ўғли ўзига хос бола эканлигини тан олди – унга аутизм, эпилепсия ва астма ташхиси қўйилган. Траволта ўғлининг ўлимини ҳаётидаги энг даҳшатли синов деб билади.
Крис Претт
Крис Претт ва Анна Фериснинг ўғли муддатидан икки ой олдин туғилган. Жек муддатидан олдин туғилганлиги сабабли унинг соғлиғида жиддий муаммолар пайдо бўлди. Бола бир неча марта жарроҳлик амалиётини бошдан кечирди ва шифокорлар миядан кучли қон кетиши туфайли у ҳеч қачон касалхонадан чиқмаслиги мумкинлигини айтишди. Яхшиямки, аянчли башоратлар амалга ошмади. Ҳозир тўққиз ёшга тўлган Жекнинг кўришида, шунингдек, оёқ мушаклари билан боғлиқ муаммолари бор – лекин у бошқа болалар каби яшайди.
Изоҳ (0)