Шундай ота-оналар борки, улар фарзандига соғлом тарбия бера олгани учун мукофот билан тақдирланиши керак. Албатта, ҳамма ҳам фарзанди учун энг яхшисини хоҳлайди. Лекин амалда доим ҳам бундай бўлавермайди. Шунингдек, машҳур инсонлар орасида нима бўлмасин, тарбия борасида ўз тамойилидан четга чиқмаганлари ҳам мавжуд.
Стинг
70 яшар қўшиқчи Стингнинг олти нафар фарзанди бор: уч ўғил ва уч қиз. Рок мусиқа оламидаги энг муваффақиятли ижрочилардан бири ўз бойлигини фарзандларига қолдирмоқчи эмас. Хонанда фарзандлари ҳам бу қарорни тўлиқ қўллаб-қувватлашини таъкидлаб ўтган. Стингнинг фикрича, меросхўрлар ота-оналарига ишониб қолмаслиги лозим, ўзларини таъминлай олиши керак.
Хонанданинг тўнғич қизи 45, кенжа ўғли эса 26 ёшда. Уларнинг барчаси ўзи ишлаб, пул топади. Мусиқачининг айтишича, улар бой меросхўр эмас, балки маълум бир касб эгасига айланган.
Билл Гейтс
66 ёшли Билл Гейтс ҳам ҳаётда Стингга ўхшаш нуқтаи назарга эга. Microsoft асосчиси собиқ рафиқаси Мелинда билан уч нафар фарзанд кўрган. 27 йилдан бери бирга бўлган эр-хотин 2021 йилнинг май ойида тўсатдан ажрашди. Шу билан бирга, улар яхши муносабатларни сақлаб қолди ва ҳатто тўнғич қизи Женнифернинг тўйида биргаликда кўриниш берди.
Билл бутун бойлигини хайрия ишларига сарфлашга қарор қилди. Ишбилармоннинг ишончи комилки, кўп пулга эга бўлиш болаларнинг тақдирини бузади, уларни мустақил равишда бирор нарсага эришиш истагидан қайтаради.
Силвестр Сталлоне
75 ёшли Силвестр Сталлоне кўп фарзандли оталар сафида. Биринчи турмушидан унинг икки ўғли бор: улардан бири вафот этган, иккинчисига аутизмнинг оғир шакли ташхиси қўйилган. Актёрнинг модель Женнифер Флавин билан турмушидан уч нафар қизи бор. Машҳур ота кўпинча меросхўрлари билан қизил йўлакда кўриниш беради. Бироқ Силвестр ҳали қизларининг куёвлари билан учрашишга тайёр эмас.
У қизларига ҳатто 40 ёшга тўлгунга қадар йигитлар билан учрашишни ман қилганини ҳазил қилди. Аммо ҳар бир ҳазил тагида оз бўлса-да ҳақиқат бор. Бир куни боксчи ролини ижро этган актёр Рокки Балбоа унинг қизларидан бирига қўнғироқ қилганида гўшакни у кўтарди. Актёр йигитга муваффақиятсиз суҳбатдоши бир умрга Мисрга жўнаб кетганини айтди.
Мадонна
63 ёшли Мадонна икки фарзандни дунёга келтирди: америкалик фитнес-мураббий Карлос Леон билн кўрган катта қизи Лурдес аллақачон 25, режиссёр Гай Ричидан кўрган ўғли Рокко 21 ёшда. Бундан ташқари, хонанданинг тўрт нафар асраб олинган фарзанди бор: энг каттаси 16 ёшда, энг кенжа эгизаклари эса тўққиз ёшда.
Хонанда меросхўрларга телевизор кўришни, шунингдек, газета ва журналлар ўқишни тақиқлаган. Мадонна улардан олиши мумкин бўлган маълумотларни мутлақо кераксиз деб ҳисоблайди. Кўринишидан, у гаджетларга қарши ва болалари ҳаёти устидан тўлиқ назорат ўрнатган.
Изоҳ (0)