Омадсиз ринопластикадан азият чеккан юлдузлар (фото)

Пластик жарроҳлик қилдиришга аҳд қилиб, кейинчалик пушаймон бўлган машҳурлар ҳақида маълумот берамиз.

Кортли Лав

Марҳум Курт Кобейннинг рафиқаси янада чиройлироқ кўринишга эга бўлиш учун бир неча марта тиғ остига ётишга рози бўлган. У лабларини шиширишдан ташқари, бурун шаклини ҳам ўзгартирган. Карьераси учун ринопластика қилдиргани ва шундан кейин имкониятлар эшиги очилганини таъкидлаган Кортни олти ой ичида ҳаёти буткул ўзгарганини қўшимча қилган. Бироқ у операцияни омадсиз ўтгани, бурнидаги қийшиқлик буткул бартараф бўлмаганига тўхталмаган.

Майкл Жексон

Поп қироли Майклни ринопластика қурбонларидан бири деб атаса бўлади. У бурун шаклини ўзгартириш учун бир эмас, бир неча марта операция қилдирган, аммо натижа ҳар сафар аввалгисидан ёмонроқ бўлган. Голливудда ҳатто Майкл нафас ололмай қолган деган миш-мишлар пайдо бўлган.

Женнифер Грэй

Киносаноатдаги илк уриниши омадли чиққанидан кейин Женнифер бирданига машҳур бўлиб кетган. Унинг Голливуддаги карьераси омадли бўлиши мумкин эди, аммо ҳаммаси бошқача бўлган. Грэй ринопластика қилдирганидан кейин бурни ҳамманикидек кўриниб қолган. Шундан кейин режиссёрлардан келиб тушадиган таклифлар ҳам камайган.

Тори Спеллинг

«Беверли Хиллз 90210» сериалидаги роли сабаб машҳурликка эришган Тори Спеллинг илк марта 17 ёшида ринопластика қилдирган. Отасининг бойлигини жарроҳлик операцияларига аямай сарфлаган қизнинг кўриниши ринопластикадан кейин яхши томонга ўзгармаган. Носимметрик бўлиб қолган бурнини қуюқ пардоз билан яширишига тўғри келган.

Кармен Кампусано

Мексикалик модель Кармен ўз вақтида етарлича машҳур бўлган. Ҳаммаси тақиқланган моддаларга муккасидан кетганидан сўнг ўзгарган. Ўша вақтда ринопластика қилдиришга қарор қилгани эса яхши натижага олиб келмаган. Бурни аввалгидан қийшиқроқ кўрина бошлагани етмагандек нафас олиши ҳам қийин бўлган.