Соч турмагини ўзгартиргандан сўнг карьерасида ўсиш кузатилган актрисалар (фото)

Актрисалар маҳоратли бўлиш билан бирга, ташқи кўринишига ҳам алоҳида эътибор қаратиши зарур. Чунки бу карьера ва профессионал ютуқларга таъсир қилиши мумкин. Қуйида соч турмагини ўзгартиргандан сўнг карьерасида ўсиш кузатилган актрисаларнинг бир нечтасини эътиборингизга ҳавола этамиз.

Эмма Стоун

Эмма Стоуннинг сочлари аслида табиий сарғиш. У ўсмирлар учун «Супер болалар» комедиясида суратга тушишни бошлаганида биринчи марта сочларини қизил рангга бўяган. Унинг бундай кўринишини фильм продусери Жадд Апатоу танлаган. Актриса ҳам у билан баҳслашмади ва ўзгаришга рози бўлди: бу комедия чиқишидан олдин Стоунни кўпчилик танимасди ва унинг қизил сочлари мухлисларнинг эътиборини тортди. Айнан шу йўл билан актриса ҳақиқий юлдузга айланди ва Оскарни қўлга киритди.

Оливия Уайлд

Америкалик актрисанинг сўзларига кўра, ташқи кўринишидаги ўзгаришлар унинг карьерасига катта таъсир кўрсатган. У икки йил давомида табиий соч ранги билан рол ўйнади. Сўнгра сочларини тўқроқ рангга бўяганида, ҳамма нарса ўзгарди. «Сочларим сариқлигида барча ролларим табиий гўзал тоифасига кирарди. Сочимнинг ранги ўзгариши билан олтин қалбли ва оғир ҳаётга эга официант ёки аёл шифокор қаҳрамонларни ўйнай бошладим. Гоҳида ўйлаб қоламан, агар сочларимнинг ранги ўзгармаганида, менга бошқа ампуладаги роллар таклиф қилинармиди? Менимча, бундай бўлмасди», – дейди актриса.

Рита Хейворт

Рита Хейворт – 40 йилларнинг энг машҳур Голливуд актрисаларидан бири. Аммо унинг маҳоратини продусер ва режиссёрлар дарҳол сезилмаган. Хейвортнинг дастлабки роллари унчалик машҳурлик келтирмаган. Сўнгра актрисага ўз имижини ўзгартиришни маслаҳат беришди, чунки бу унинг ўхшаш роллардан чиқиб кетишининг ягона йўли эди. Рита сочларини қизил рангга бўяди ва пешонасини кенгроқ қилиш учун соч турмагини ўзгартирди. Айнан мана шу жозибали образ актрисага муваффақиятга эришишга ёрдам берди.

Лейтон Мистер

«Ғийбатчи қиз» сериали режиссёрининг сўзларига кўра, Лейтон Мистер кастинга сарғиш сочлар билан келган. Аммо актрисалар орасида аллақачон сарғиш сочли Блейк Лайвли бор эди, шунинг учун Лейтонга сочларини тўқ рангга бўяш таклиф қилинди. Актриса эътироз билдирмади ва бу ўзгариш унга сериалдаги асосий аёл ролларидан бирини олишга ҳамда машҳур бўлишга ёрдам берди.

Эми Адамс

Эми Адамснинг айтишича, у сариқ сочларини қизил рангга бўягандан кейин янги ролларни олиш имкониятини кескин оширган, бу эса унга машҳур актриса бўлишга ёрдам берган. «Ташқи кўринишдаги биргина ўзгариш одамларнинг сизга бўлган муносабатини қандай ўзгартираётганини кўриш жуда ҳаяжонли эди, бу менинг актёрлик фаолиятимда жуда кучли восита бўлди», деб тушунтирди актриса.

Дебби Гарри

Дебби Гарри «Блондиэ» гуруҳининг вокалисти сифатида машҳур бўлган қўшиқчи. Гуруҳни ташкил этишдан олдин Гарри котиба, официант ва раққоса бўлиб ишлаган. Кейинчалик мусиқа билан шуғулланиб, сочларини бўяди ва «Блондиэ» деб номланган ўз гуруҳини яратди. Ўзининг гўзаллиги, дадиллиги, истеъдоди ва ғайриоддий кўриниши билан Дебби Гарри машҳурликка эришди.

София Вергара

«Америкалик оила» ситкомининг юлдузи ҳамкасбларидан ортда қолмаслик учун сочларини бўяшга қарор қилди. «Сочимнинг ранги табиий сариқ. Аммо суратга тушиш ва синовларга боришни бошлаганимда, менга қандай қаҳрамон мос келишини ҳеч ким бимасди. Негадир улар барча испанлар Салма Хаекка ўхшаш бўлиши керак, деган фикрда эди. Сочларимни қора рангга бўяганимдан кейингина мен ҳам Лотин Америкасининг актрисалари қаторидан жой олдим.

Риз Уизерспун

Сариқ сочда кўриниш берадиган Риз Уизерспун аслида уларни бўяган. Ўзининг дастлабки фильмларида актриса сочининг табиий рангида суратга тушди, лекин 1994 йилда у кескин ўзгаришга қарор қилди ва бундан ютқазмади. Айнан шу образда Уизерспун машҳурликка эришди.