Хитой Тайван мустақиллиги тарафдорлари учун мамлакатга, шунингдек Гонконг ва Макаога киришни тақиқламоқда. Бу ҳақда Хитой Халқ Республикаси Давлат кенгаши ҳузуридаги Тайван ишлари бўйича муассасанинг расмий вакили Чжу Фэнляньга таяниб, «Коммерсантъ» хабар берди.
«Материкдаги расмийлар қонунга мувофиқ ‘Тайван мустақиллигининғ қатъий тарафдорларига нисбатан интизомий чоралар кўриб, улар ва уларнинг оила аъзоларига материк (ХХР), Гонконг ва Макаонинг махсус маъмурий ҳудудларига киришни тақиқлайди», — деди Чжу Фэнлянь.
Бундан ташқари, бундай одамлар материкдаги ташкилотлар ёки шахслар билан ҳамкорлик қила олмайди, шунингдек, ХХРда даромад кўра олмайди. Пекин Тайван мустақиллиги тарафдорларини жиноий жавобгарликка ҳам тортиш ниятида.
Маълумот учун Хитойда фуқаролар уруши (1946—1949) натижасида Хитой Коммунистик партияси мамлакатнинг материк қисмида ғалаба қозонган, Хитой Республикасининг ўша пайтдаги президенти Чан Кайши бошчилигидаги олдинги раҳбарият Тайванга қочиб кетган. Уруш натижасида Хитой иккига бўлиниб кетди: биринчиси ҳозирги кунга келиб жаҳоннинг етакчи кучларидан бирига айланган ХХР, иккинчиси эса 15 та кичик давлат томонидан тан олинган Тайвандаги Хитой Республикаси. Натижада бир-бирини тан олмайдиган иккита Хитой ҳукумати юзага келди.
Изоҳ (0)