ДХХнинг Наманган ва Фарғона вилоятлариги бошқармалари томонидан валюта қимматликларининг ноқонуний айланмасига қарши курашиш доирасида тезкор тадбир ўтказилди. Бу ҳақда ДХХ «Дарё»га маълум қилди.
Аниқланишича, Фарғона туманининг Қирғизистон билан чегарадош ҳудуди бўйлаб ҳаракатланаётган 41 ёшли маҳаллий фуқаро бошқарувидаги Nexia-3 ЙҲХ ходимлари томонидан тўхтатилиб, кўздан кечирилган.
Текширув натижасида автомашина салонида 373 717 минг доллар борлиги аниқланиб, процессуал тартибда расмийлаштириб олинган. Аниқланишича, қонунбузар 100 доллар эвазига ушбу хорижий валюталарни айланма йўллар орқали Қирғизистонга ўтказиб бериши керак бўлган.
Шунингдек, тезкор қидирув тадбирлари доирасида унинг жиноий шериги ҳисобланган Олтиариқ туманида яшовчи 30 ёшли фуқаро ҳам ҳибсга олинди.
Ҳозирда мазкур шахсларга нисбатан Жиноят кодексининг тегишли моддасига асосан жиноят иши қўзғатилиб, тергов ҳаракатлари олиб борилмоқда.
Аввалроқ Тошкент вилоятида 10 минг долларни ноқонуний сотишга уринган шахслар ушлангани, Бухорода 3 минг долларни ноқонуний сотган фуқароларга жиноят иши қўзғатилгани тўғрисида хабар берилганди.
Изоҳ (0)