DXXning Namangan va Farg‘ona viloyatlarigi boshqarmalari tomonidan valyuta qimmatliklarining noqonuniy aylanmasiga qarshi kurashish doirasida tezkor tadbir o‘tkazildi. Bu haqda DXX “Daryo”ga ma’lum qildi.
Aniqlanishicha, Farg‘ona tumanining Qirg‘iziston bilan chegaradosh hududi bo‘ylab harakatlanayotgan 41 yoshli mahalliy fuqaro boshqaruvidagi Nexia-3 YHX xodimlari tomonidan to‘xtatilib, ko‘zdan kechirilgan.
Tekshiruv natijasida avtomashina salonida 373 717 ming dollar borligi aniqlanib, protsessual tartibda rasmiylashtirib olingan. Aniqlanishicha, qonunbuzar 100 dollar evaziga ushbu xorijiy valyutalarni aylanma yo‘llar orqali Qirg‘izistonga o‘tkazib berishi kerak bo‘lgan.
Shuningdek, tezkor qidiruv tadbirlari doirasida uning jinoiy sherigi hisoblangan Oltiariq tumanida yashovchi 30 yoshli fuqaro ham hibsga olindi.
Hozirda mazkur shaxslarga nisbatan Jinoyat kodeksining tegishli moddasiga asosan jinoyat ishi qo‘zg‘atilib, tergov harakatlari olib borilmoqda.
Avvalroq Toshkent viloyatida 10 ming dollarni noqonuniy sotishga uringan shaxslar ushlangani, Buxoroda 3 ming dollarni noqonuniy sotgan fuqarolarga jinoyat ishi qo‘zg‘atilgani to‘g‘risida xabar berilgandi.
Izoh (0)