Термизлик меҳнат фахрийси Сайфулло Мирзаев «Халқчил ёндашув» лойиҳасига берган интервьюсида ўтмиш қийинчиликлари ва бугунги кунлар ҳақидаги фикрлари билан ўртоқлашди.
«Чўпон бўлганман, у вақтлар шароит оғир эди. Болаларни ўқитмоқчи эдим, лекин шунга пул сўрашган ўшанда. 48 йил узлуксиз ишладим, автосаройдаги фаолиятимдан кейин пенсияга чиқдим. Илгари пенсия олиш азоб эди, фақат пластикда беришарди, қийналардик, фоиз эвазига алмаштириб олардик. Ҳозир нақд бериляпти, пластикка ташланса ҳам, исталган жойдан ечиб олиш имкони бор.
Ўша пайтлар тадбиркорларнинг ихтиёри ўзида эмас эди. Одамлар бирор ишга қўл урмоқчи бўлса, қўрқар эди, ‘эртага нима бўлади’, деган ўй билан. Мана, ўзим ҳозир томорқадан даромад қиляпман. Бугун шундай замон келдики, меҳнат қилган одам хор бўлмайди», — дейди отахон.
Изоҳ (0)