Warner Bros. бир вақтлар Уитни Хьюстон ва Кевин Костнер ўйнаган «Тансоқчи» фильми қайта суратга олинишини расман эълон қилди, деб хабар бермоқда «Film.ru» нашри. Лойиҳага сценарий муаллифи сифатида «Мерос» (The Inheritance) спектаклини саҳналаштирган театр даҳоси Метю Лопез тасдиқланган.
Оригинал нусханинг сценарийсини ёзган продюсер Лоренс Касдан 1992 йилдаги лентани қайта кўриб чиқиш устида ҳамкорликда ишлайдиган бўлди. Продюсерлар орасида Денг Линг ҳам бор, у бу лойиҳани 10 йил аввал бошламоқчи бўлганди, лекин жараён амалга ошмаган.
Бош ролларни кимлар ижро этиши ва қачон экранларга чиқиши ҳозирча маълум эмас. Турли йилларда Крис Хемсворт, Тесса Томпсон, Ченнинг Татум ва қўшиқчи Cardi B лойиҳага қизиқиш билдиришган. Шунингдек, ҳали олдинда фильмга режиссёр топиш вазифаси ҳам турибди.
Изоҳ (0)