Ҳар қандай инсоннинг таом тайёрлашга бўлган иштиёқини оширувчи фильмлар (фото)

Шундай фильмлар борки, уни томоша қилгандан сўнг одамда, албатта, қандайдир таом тайёрлаш истаги уйғонади. Чунки таом тайёрлашда ҳам илҳом керак ва у ҳақиқатан ҳам мавжуд. Ишонмасангиз, қуйида келтирилган фильмларни томоша қилишни тавсия қиламиз.

«Жули ва Жулия: бахтни рецепт бўйича тайёрлаймиз»

Жулининг Call-марказдаги оғир иши, пазандачилик блоги ва уни қўллаб-қувватловчи турмуш ўртоғи бор. У, шунингдек, ўз олдига мақсад қўяди: йил давомида Жулия Чайлднинг машҳур «Француз ошхонаси санъатини ўзлаштириш» китобидан 524 та таом тайёрлаш. Жули ошпазлик қилар экан, унинг ўқувчилари сони ошади ва блог «ҳамма нарсага» айланади.

«Аравадаги ошпаз»

Ошпаз Карла Каспер Лос-Анжелесдаги машҳур ресторандаги ишидан айрилади, лекин тушкунликка тушмайди. У корпоратив режимга ўтиш ўрнига ғилдиракли ошхона очади. Ушбу янгилик одамларга манзур бўлади, Карланинг ҳам ишлари ўз ўрнига тушади.

«Рататуй»

Ушбу мультфильмда ошпаз бўлишни орзу қилган жасур каламуш Реми ҳақида ҳикоя қилинади. У ошпазлик билан шуғулланади, лекин оиласи уни тушунмайди. Реми эса мақсади йўлида давом этади. У фаррош Лингвинининг қалпоғи остига яшириниб, уни ҳақиқий гастроном юлдузга айлантиради. Аммо иккисини ҳам олдинда бир қанча синовлар кутиб туради.

«Ҳаёт таъми»

Иш, иш ва яна ишга иштиёқли профессионал ошпаз Кейт Армстронг ҳақидаги романтик комедия. Аммо жияни билан рўй берган даҳшатли фожиядан сўнг Кейт болани ўз шароитига мослаштириши керак. Шунингдек, ресторанда янги ошпаз, келишган ва ўзига ишонган Ник Палмер бор, Кейт у билан муносабатларини боғламоқчи. Кетрин Зета-Жонс ва Аарон Экхартнинг иштирокидаги ажойиб фильм.

«Зираворлар ва эҳтирослар»

Таом тайёрлашда қонунларнинг йўқлиги ва дунёдаги  барча халқларнинг ошхоналари ўзига хос тарзда гўзаллиги ҳақида ажойиб ҳикоя. Ҳинд муҳожирлари оиласи Провансда шарқ таомлари ошхонасини очади. У француз ошпазлик анъаналарининг пойдевори бўлган ҳамда «Мишлен» юлдузи билан тақдирланган машҳур ресторанининг қаршисида. Икки таомланиш маркази орасидаги келишмовчиликлар фильм сюжетини ташкил этади.

«Ошпаз Адам Жонс»

Ушбу фильмни оч қоринга томоша қилиш тавсия этилмайди, чунки бу ерда доимий равишда бирор мазали таом тайёрланади! Ҳикоя оддий, истеъдодли ошпаз қасос олиш учун марраларни енгиб ўтиши керак. Бахтли якун ҳатто тажрибасиз томошабин учун ҳам аниқ, лекин бу кўриш завқини инкор этмайди.

«Италияга саёҳат»

2010 йилдаги «Саёҳат» фильмининг ўзига хос давоми. Стив Куган ва Роб Брайдон The Observer буюртмасига биноан мамлакатни айланиб чиқишмоқда, лекин Шимолий Англияда эмас, Италияда. Режиссёр Уинтерботтом саҳнасини ўзгартириб, фильм моҳиятини сақлаб қолган: икки комедиячи Италиянинг бир минтақасидан бошқасига кўчиб ўтиб, гўзал манзаралар, мазали таомлардан завқланади.

«Тушлик қутиси»

Тушлик нотўғри етказилганлиги сабабли ёш уй бекаси тушлик қутисида қолдирган ёзувлари орқали бошқа инсон билан ёзиша бошлайди. Болливуд фильмларидан тамоман фарқ қиладиган ҳинд драмаси Бомбейнинг оддий аҳолиси ва гўзал севги ҳақида ҳикоя қилади.