Видеорецепт: Нонуштага творогли чизкейк тайёрлаймиз

Нонушта дастурхонини  мазали ва тўйимли егулик билан бойитинг.

Керакли маҳсулотлар: 

• творог — 140 гр;
• ун — 20 гр;
• тухум (яримта сариғи) — 1 дона;
• шакар упаси — 20 гр;
• сметана ёки мураббо;
• ваниль шакари ёки ваниль экстракти;
• лимон пўстлоғи;
• сумах (машҳур шарқ зираворлари);
• туз — 1 чимдим;
• сариёғ;
• ўсимлик мойи.

1. Юмшоқ, қуруқ бўлмаган 4-5 фоизли ёғли творогга ун қўшинг.
2. Кейин шакар упаси, ваниль экстракти, тухум сариғининг ярми ва бир чимдим туз қўшинг. Массани яхшилаб аралаштиринг.
3. Столга ун сепинг ва творогли аралашмани колбаса шаклига келтиринг. Уни уч бўлакка бўлиб, ҳар бир қисмини унга ботириб, керакли шакл беринг.
4. Товага озгина ўсимлик ёғи қуйиб, бир бўлак сариёғ қўшинг. Эригач творогли чизкейкларни товага солинг.
5. Оч жигаррангга киргач, чизкейкларни пергамент солинган газ патнисига жойлаштиринг. 180 даражали ҳароратда 5 дақиқа пиширинг.
6. Тайёр чизкейкларни сметана ёки мураббо билан дастурхонга тортинг. Шунингдек, қирғичдан чиқарилган лимон пўсти ва сумах билан безашингиз мумкин.

Ёқимли иштаҳа!