Уннинг кераги йўқ: гулкарамдан ноодатий пицца рецепти

Кўпчилик ёқтирган ҳамда тез тайёрланадиган пиццани унсиз ҳам тайёрлаш мумкин. Ушбу ноодатий рецептни синаб кўришни тавсия қиламиз.

Керакли маҳсулотлар:

• гулкарам — 1 дона;
• тухум — 1 дона;
• моцарелла — 180-190 грамм;
• пармезан — 50-60 грамм;
• ўсимлик мойи — 1 ош қошиқ;
• помидор соуси — 3-4 ош қошиқ;
• туз ва зираворлар.

1. Гулкарам майда бўлакларга бўлинади.
2. Қайноқ сувга солиб, 220 даражада қиздирилган печга қўйилади.
3. Суюқлик қайнаб чиққач, карам қолипга бир қатлам қилиб жойлаштирилади. Печга яна 3-4 дақиқага қўйилади.
4. Сўнгра ортиқча намликни олиб ташлаш учун карам қоғоз салфеткалар устига ёйиб чиқилади.
5. Суви қуригандан кейин блендер ёрдамида майдалаб, суюқлиги сиқиб олинади.
6. Майдаланган гулкарам тухум, 80-90 грамм қирғичдан ўтказилган моцарелла, пармезан, туз ва мурч билан аралаштирилади.
7. Тайёр бўлган масса ёғланган пишириқ қоғозига жойлаштирилади. Тахминан 20 дақиқа давомида печда пиширилади.
8. Пиццанинг юзасига соус ва қирғичдан ўтказилган моцарелла сепилади ва яна 10 дақиқага печга қўйилади.