Мазкур рецепт асосида тайёрланган егулик Ҳиндистон ва Яқин Шарқдаги энг машҳур ширинликлардан саналади.
Канадалик қўшиқчи Тешер ва америкалик Жейсон Деруло исмли хонандалар томонидан куйланган «Jalebi baby» номли қўшиқ қисқа фурсат ичида оммалашиб кетган. Клип 2021 йилнинг 13 июлида YouTube’га жойланган, ҳозиргача 73 миллион марта томоша қилинган. Клип туфайли қизиқиш уйғонган «Жалеби»ни қандай тайёрланиши ҳақида маълумот бериб ўтамиз.
Керакли маҳсулотлар:
- ун — 125 г;
- разрихлитель — 1 чой қошиқ;
- туз — 1 чой қошиқ;
- йогурт — 3 ош қошиқ;
- майдаланган кардамон — 1,5 чой қошиқ;
- зарчава — 1,4 қошиқ;
- сув — 240 мл;
- шакар — 200 г;
- заъфарон — бир чимдим;
- лимон шарбати;
- ўсимлик ёғи — 500 мл.
- Унга разрихлитель ва сода қўшиб аралаштиринг;
- Йогурт ва кардамоннинг ярмини қўшиб аралаштиринг.
- Зарчава, сув ва кардамонни санчқи ёрдамида аралаштиринг.
- Хамирни устини ёпиб 10–12 соатга хонада қолдиринг.
- Шакар билан сувдан қиём тайёрлаб олинг.
- Кардамоннинг ярми, заъфарон ва лимон шарбати қўшиб 5 дақиқа қайнатинг.
- Хамирни санчқи билан аралаштириб бутилка ёки қандолат қопчасига солинг.
- Қизиган ёғга хамирни спирал шаклида солинг.
- Ҳар икки томонини 2-3 дақиқа қовуриб олинг.
- Пишиши билан қиёмга ботириб олинг ва тарелкага териб чиқинг.
Изоҳ (0)