Печнинг кераги йўқ: товада олмали пирог тайёрлаймиз

Хамири юмшоқ ушбу десерт печда тайёрланмаса ҳам жуда мазали.

Керакли маҳсулотлар:

• олма — 2 дона;
• лимон — 1/2 дона;
• сариёғ — 20 грамм;
• шакар — 80 грамм;
• манний ёрмаси — 50 грамм;
• ун — 100 грамм;
• қабартма (разрихлитель) — 2 чой қошиқ;
• тухум — 2 дона;
• сут — 3—4 ош қошиқ;
• ўсимлик ёғи — 3 ош қошиқ.

1. Олма тозаланиб, қирғичдан ўтказилади. Лимон шарбати сиқиб, қўшилади.
2. Сариёғ товада эритилиб, шакар ва лимон шарбати қўшилади.
3. 3—4 дақиқа давомида карамель ҳолига киргунча қайнатилади.
4. Устидан олма қўшилиб, тованинг усти ёпиқ ҳолда қайнатилади.
5. Манний ёрмаси ун билан аралаштирилади.
6. Тухум, шакар, лимон қобиғи, сут ва ўсимлик ёғи бир хил массага келтирилади.
7. Сўнгра аралашма унли массага аралаштирилади.
8. Хамир товага қуйилиб, устидан олмали аралашма солинади.
9. 45 дақиқа давомида това усти ёпилган ҳолда пиширилади.