Pechning keragi yo‘q: tovada olmali pirog tayyorlaymiz

Xamiri yumshoq ushbu desert pechda tayyorlanmasa ham juda mazali.

Kerakli mahsulotlar:

• olma — 2 dona;
• limon — 1/2 dona;
• sariyog‘ — 20 gramm;
• shakar — 80 gramm;
• manniy yormasi — 50 gramm;
• un — 100 gramm;
• qabartma (razrixlitel) — 2 choy qoshiq;
• tuxum — 2 dona;
• sut — 3—4 osh qoshiq;
• o‘simlik yog‘i — 3 osh qoshiq.

1. Olma tozalanib, qirg‘ichdan o‘tkaziladi. Limon sharbati siqib, qo‘shiladi.
2. Sariyog‘ tovada eritilib, shakar va limon sharbati qo‘shiladi.
3. 3—4 daqiqa davomida karamel holiga kirguncha qaynatiladi.
4. Ustidan olma qo‘shilib, tovaning usti yopiq holda qaynatiladi.
5. Manniy yormasi un bilan aralashtiriladi.
6. Tuxum, shakar, limon qobig‘i, sut va o‘simlik yog‘i bir xil massaga keltiriladi.
7. So‘ngra aralashma unli massaga aralashtiriladi.
8. Xamir tovaga quyilib, ustidan olmali aralashma solinadi.
9. 45 daqiqa davomida tova usti yopilgan holda pishiriladi.