Қовоқчага майонез ва помидор қўшиб тайёрланадиган егулик рецепти

Қовоқча ўрнига бақлажондан ҳам фойдаланса бўлади.

Керакли маҳсулотлар:

• қовоқча — 600 гр;
• тухум — 2 дона;
• ун — 3 ош қошиқ;
• ичимлик содаси — 0,5 қошиқ;
• майонез — 5 ош қошиқ;
• саримсоқ пиёз — 3 дона;
• помидор — 2-3 дона;
• ўсимлик ёғи;
• туз;
• шивит.

• Қирғичдан чиқарилган қовоқчага туз қўшиб, 5 дақиқага қолдиринг.
• 2 дона тухум ва 3 қошиқ ун қўшиб аралаштиринг.
• Ўсимлик ёғи солинган товада қуймоқ каби ҳар икки тарафини қовуриб олинг (6-7 дона чиқиши керак).
• Майдаланган саримсоқни майонезга қўшиб аралаштиринг.
• Помидорни ингичка қилиб кесинг.
• Шивитни майдаланг.
• Қовоқчали қуймоқ устига майонезли аралашмани суртинг.
• Устидан помидор қўйиб, шивит сепинг.
• Яна қуймоқ қўйинг.
• Ушбу кетма-кетликни қуймоқлар тугагунича такрорланг.
• Устини шивит ва майда помидорлар билан безанг.
• Ушбу егуликни яхна ҳолида истеъмол қилиш тавсия этилади.