Кузги гардероб: Янги мавсумда долзарб бўладиган 7 кийим-кечак (фото)

Гардеробини куз учун тайёрлашга ҳозир бўлган аёл-қизларга трендда бўладиган кийим-кечаклар ҳақида маълумот бериб ўтамиз.

Ёпишиб турадиган кўйлак

Қоматга урғу берадиган либослар қайта урфга киряпти. Қаттиқ материалдан тикилган кўйлаклар 70 йиллардан илҳомланган ҳолда тикилган. Куз мавсумида уни миди узун бўлганини лофер, этик ёки йирик ҳажмли бошқа оёқ кийимлар билан мосланг.

Қалин матодан тикилган калта юбка

А шаклида бичилган, қаттиқ матодан тикилган калта юбкалар мазкур кузда ҳар қачонгидан ҳам долзарброқ бўлади. Бундай моделларни кенг бичимли, oversize услубидаги пижак ва свитерлар, қолаверса, платформали ёки таг қисми ингичка оёқ кийим билан мосласангиз бўлади.

Трикотаж костюм

Дизайнерлар янги мавсумда бошдан оёқ трикотаж матосидан тикилган кийим кийишни тавсия қилади. Бу костюм-шим ёки бошқа бир устки кийим билан исталган бичимли юбка бўлиши мумкин. Бунда фақат қомат турига қараб танлов қилиш муҳим саналади.

Терили пойабзаллар

Турли образ билан эксперимент қилиб кўришни яхши кўрадиганларга терили босоножкаларни синаб кўриш тавсия қилинади. Қолаверса, бошқа мех билан безатилган пойабзалларни турли кардиган, кўйлак ва гулли принтли юбкалар билан мосласангиз бўлади.

Юмшоқ матодан тикилган пальто

Пальто кузги гардеробдаги энг муҳим кийимлардан бири саналади. Келаётган мавсумда максимал даражада аёлларга хос бўлган пальтолар долзарб бўлади. Ёпишиб турмайдиган, елка қисми кенг ва миди узунлигидаги вариант айни муддао. Уни белбоғли ёки бошқачасини танлаш эса хоҳишингизга ҳавола.

Катта сумка

Ичига ҳамма нарсани солиш мумкинлиги ва шакли сақланиб тургани сабаб катта ҳажмли сумкалар ҳар куни тутиш учун қулай саналади. Бундай моделни нафақат ишга, балки саёҳатга ҳам тутса бўлади. Қолаверса, фарзандларининг керакли нарсаларини олиб юриш учун оналарга ҳам қўл келади. Умуман олганда кичик ҳажмли сумкага жиҳозларни сиғдира олмай қийналадиганлар учун бундай моделдан яхшиси йўқ.

Романтик услубдаги кофта

Кенг бичимли кофталарни ранг-баранг, романтик услубдагиларга алмаштириш тавсия қилинади. Улар принтли ёки бант ёки бошқа деталлар билан безатилган бўлиши мумкин. Енг қисми кенг ва фонар шаклида бўлса, яна яхши. Бундай моделларни тўғри бичимли ёки классик тўқ кўк рангли жинси билан кийишингиз мумкин.