Hamisha klassika hisoblangan koftalarni noto‘g‘ri tanlash hatto eng zamonaviy obrazga ham putur yetkazishi mumkin.
Jinsi kofta
Foto: “Domashniy ochag”
Jinsi matosidan tikilgan koftalar allaqachon o‘tmishda qolib, ularning o‘rniga 90-yillar uslubidagi oversize pijaklar urfga kirdi. Bunday ustki kiyimni oq futbolka bilan kiyish, uni krossovkalar bilan moslash mumkin.
Yeng qismi kalta koftalar
Foto: “Domashniy ochag”
Yeng qismi kalta, kamiga bel qismiga urg‘u berib bichilgan koftalardan voz kechishning allaqachon vaqti keldi. Buning o‘rniga keng yoki erkin turadigan kalta variantlarga diqqat qarating.
Burmali koftalar
Foto: “Domashniy ochag”
Ayni vaqtda old qismi burmali emas, yoqalari keng bo‘lgan kofta modellari trendda. Burma va pirpiraklar yoqa yoki yeng qismida bo‘lsa mayliku-ya, ammo ko‘krak qismida bo‘lishi didsizlikdan dalolat beradi.
Yopishib turadigan kofta
Foto: “Domashniy ochag”
Tor va yopishib turadigan koftalarni nafaqat o‘zini, balki pijak bilan ham kiyish tavsiya qilinmaydi. Buning o‘rniga oq va keng kofta modellarini tanlash maslahat beriladi.
Katak-katak printli koftalar
Foto: “Domashniy ochag”
Oversize uslubidagi katak printli kofta va pijaklar ayni vaqtda dolzarb ekani haqiqat, biroq bel qismiga urg‘u berib bichilgan modellar emas. Qolaversa, printni ham pala-partish tushirilmaganiga e’tibor qarating.