Louis Vuitton модалар уйи ҳамкорликда велосипедлар коллекциясини тақдим этиш мақсадида Франциянинг Maison Tamboite маркаси билан ҳамкорликни йўлга қўйди, деб хабар беради Esquire.
Maison Tamboite — 100 дан ошиқ вақтдан бери қўлбола усулда велосипедларни ишлаб чиқариш билан шуғулланувчи Париждаги устахона. Louis Vuitton учун у ҳам шаҳар, ҳам қишлоқ жойлар учун мос келадиган комбинациялашган моделни яратди. Таъкидланишича, у энди велосипед ҳайдашни ўрганаётган фойдаланувчилар учун ҳам жуда қулай.
Велосипедлар икки хил модификацияда тақдим этилган: ёпиқ ром ва қиррали бўлиб, уларнинг биринчида юк қўйгич мавжуд, иккинчисининг олд тарафига эга сават ўрнатилган. Велосипедлар бир неча хил рангларга эга бўлиб, ҳар бирининг ўриндиғи, ром қопламаси, ғилдирак ва турли ЛВ монограммасига эга бўрттирма ва нақшлар билан безатилган.
Ҳар бир велосипед нархи 20,2 минг фунтни (27 минг АҚШ доллар) ташкил этади. Уни Louis Vuitton сайти орқали харид қилиш мумкин.
Аввалроқ Louis Vuitton бренди Charlie номли экологик тоза кроссовкаларни яратгани, шунингдек, модалар уйи 10,4 минг доллардан варрак сотувга чиқаргани тўғрисида хабар берилганди.
Изоҳ (0)