Quyoshdan himoya qiluvchi ko‘zoynaklar gardishining ham eng keng tarqalgan turlari mavjud: “aviatorlar”, “lennonlar”, “vayfarerlar”, “ninachi”, “mushuk ko‘zi”, “panto”, “klabmaster”, “tulkichalar”.

Yuqoridagi ko‘zoynaklarning qisqacha xususiyatlarni ko‘rib chiqamiz:

  •  “Aviatorlar” — bu ko‘pchilikka ma’lum bo‘lgan harbiy ko‘zoynak modeli. Ular ko‘z yoshlari shaklidagi linzalardan iborat.
  • “Lennonlar” — ingichka metall ramkaga ega yumaloq linzalar.
  • “Vayfarerlar” — bu klassik aviatorlarning ajoyib versiyasi. Odri Xepbyornning “Tiffanidagi nonushta” filmi qahramonida bunday ko‘zoynaklarni ko‘rish mumkin.
  • “Ninachi” — bu qavariq linzalarga ega katta ramkali ko‘zoynak turi. Bunday ko‘zoynaklar Jaklin Kennedining sevimli aksessuari bo‘lgan.
  • “Mushuk ko‘zi” — eng nozik va zamonaviy shakl deb hisoblanadi, uning asosiy xususiyati uchli, va shu bilan birga, cho‘zilgan tashqi burchaklaridir.
  • “Panto” — juda mashhur klassik shakl bo‘lib, ko‘pincha o‘tkir tashqi burchaklari bilan ajralib turadi.
  • “Tulkichalar” – ingichka yo‘l bo‘ylab cho‘zilgan linzalari bor ajoyib model.

Foto: Cosmopolitan

Bundan tashqari, bugungi kunda to‘g‘ri to‘rtburchaklar va oval shaklidagi gardishli ko‘zoynaklar ham juda mashhur.

Har bir insonning yuzi mutlaqo o‘ziga xosdir, yuzlar oval, dumaloq, kvadrat, to‘rtburchak va uchburchak shaklda bo‘lishi mumkin. Ko‘zoynak tanlashda muhim bir qoidani unutmang: yuz shakli qanchalik kichik bo‘lsa, ko‘zoynak gardishi dizayni nozikroq bo‘lishi kerak. Keling, buni yulduzlar misolida batafsil ko‘rib chiqamiz.

Foto: Cosmopolitan

Riz Uizerspunning yurak shaklidagi yuzi “vayfarerlar”, “panto” yoki “aviatorlar” kabi gardishli ko‘zoynaklar bilan mukammal uyg‘unligi aniq. Quyoshdan himoyalovchi ko‘zoynaklarni tanlayotganda bunday yuzli qizlar o‘tkir burchakli yoki katta gardishlardan qochishi kerak, chunki bu boshning yuqori qismini vizual ravishda keng qilib ko‘rsatadi.

Foto: Cosmopolitan

Oval shaklidagi yuz egalarining omadi kelgan, chunki ularga deyarli har qanday turdagi ko‘zoynaklar mos keladi. Buni Irina Sheyk misolida aniq ko‘rish mumkin. Yulduz barcha ko‘zoynaklardan foydalanadi: ultrazamonaviy “tulkichalar”dan tortib klassik “vayfarerlar”gacha. Hatto murakkab to‘rtburchak gardishlar ham unga yarashadi.

Foto: Cosmopolitan

Selena Gomes singari dumaloq yuz egalariga burchakli, to‘rtburchak va trapetsiyali ko‘zoynaklar juda mos keladi. “Aviatorlar” va “vayfererlar” kabi klassik modellar bilan birga, nozik ayollarga xos “mushuk ko‘zi” ham yoddan chiqmasligi kerak.

Foto: Cosmopolitan

Sohibjamol Oliviya Uayld esa yuzning murakkab, ya’ni kvadrat ekanligini hisobga olishni yaxshi biladi. Shuning uchun u “aviatorlar” yoki “lennonlar” kabi tomchi va yumaloq gardishlarni tanlaydi. Muhimi, quyoshdan saqlaydigan ko‘zoynaklar hajmi yuzning kengligidan katta bo‘lmasligi kerak.

Foto: Cosmopolitan

Xloya Moresning teskari uchburchak yuzi bor. Bunday ko‘rinishga ega bo‘lgan qizlar tor iyakni keng peshona bilan uyg‘unlashtiradigan gardishlarga e’tibor berishlari kerak. Buning uchun burchakli va “panto” kabi klassik modellar juda mos tushadi. Ammo katta to‘rtburchak va ingichka gardishlardan foydalanmagan ma’qul.