Сумка гардеробдаги энг асосий элементлардан бири ҳисобланади. Унинг ёрдамида исталган оддий образни ўзига хос кўрсатишга эришиш мумкин. Бунинг учун мазкур аксессуарни дид билан, тўғри ва мавсумга мослаб танлаш керак.
Керри Бредшоу услубидаги сумкалар ўз машҳурлигини йўқотмаганига қарамай, аксарият мода ихлосмандлари куз фаслида кичкина ва ихчам моделларни қулай вариантларга алмаштиришни афзал билади. Дизайнерлар эса ўз навбатида мижозларининг қизиқишларини инобатга олган ҳолда қулайликка урғу беришда давом этади. Куз-қиш коллекцияларида ХХЛ ўлчамидаги сумкаларни кўплаб учратиш мумкин ва шундан келиб чиқиб айтиш мумкинки, катта ҳажмли моделлар келаётган мавсумдаги энг қулай трендлардан бири бўлади.
Бундай вариантларни нафақат саёҳатга, балки офисга ҳам туца бўлади. Ичига ҳамма нарсани: ноутбукдан тортиб, бир жуфт туфлини ҳам солса бўлади.
Пандемия вақтида кўпчилик интиқиб кутган ва сентябрдан сафарга отланишга ошиқаётганлар учун эса бу каби oversize сумка ҳар томонлама қўл келади. Танлов борасида юмшоқ матолардан тикилган, тўқилган, трендга хос безак ва занжирларни ўзида мужассам қилган моделларга эътибор қаратиш тавсия қилинади.
Офис учун эса чарм матосидан тикилган классик вариантлар афзалроқ. Ранги эса қора бўлиши шарт эмас. Масалан, Prada тақдим қилганидек оқ, The Row тўпламидаги сингари тепа қисми йиғиладиган сумкалардан илҳомлансангиз бўлади.
Бундай аксессуарни иложи борича минимал услубдаги костюм-шим ёки сипо бичимдаги кўйлак-кофталар билан мослаган яхши.
Изоҳ (0)