Аёлларни кузда, иссиқ кунларга мўлжалланган либосларни нима қилсам экан деган савол қийнайди. Аслида эса, ҳаммаси жуда осон, ёзги кийим-кечакларни ҳам сентябрь ҳавосига мослаб кийса бўлади. Street style юлдузларининг образлари мисолида бу ҳақида маълумот бериб ўтамиз.
Кепка
2021 йилда аксарият аёл ва қизлар учун севимлига айланиб улгурган кепкалар билан хайрлашишга ҳожат йўқ. Аслида кузга мўлжалланган коллекцияларда ҳам ушбу бош кийимининг чийдухоба (велвет), кашемир ҳатто мўйна билан безалган вариантларини ҳам учратиш мумкин.
Шунга қарамай, сиз оддий спорт услубидаги кепкалар билан ҳам кўнгилдагидек образ яратишингиз мумкин. Уни шунчаки, тўғри бичимли шим ва топ билан умумлаштиришнинг ўзи кифоя. Салқинда совуқ урмаслиги учун эса образингизга чарм матосидан тикилган тренч қўшсангиз бўлади.
Тўқилган нимча
Мода ихлосмандларининг деярли барчаси мазкур ёз фаслида тўқилган нимчалар билан образ яратишга улгурди. Гардеробида бу каби ультразамонавий кийими борлар учун яхши янгилик: келаётган мавсумда бу каби нимчалар ўз долзарблигини йўқотмайди.
Фақат фарқи шундаки, уни ёздаги сингари қуруқ ўзини эмас, бошқа бир кофта устидан кийиш керак. Образни ўзига хос туфли ҳамда сумка билан якунласа бўлади.
Лён матосидан тикилган шорти
Лённи нафақат жазирама, балки салқин ҳавода ҳам кийса бўлади. Сентябрнинг биринчи ярмида ушбу матодан тикилган шорти билан ўзига хос образ яратишингиз мумкин. Бунинг учун бел қисми юқори турадиган, узунроқ моделни танланг ва уни трикотаж матосидан тикилган топ билан мосланг.
Устингиздан oversize услубидаги пиджак кийишни унутманг. Лофер ва рангли пайпоқ қўшиш орқали эса бошқалардан ажралиб туришингиз аниқ.
Мавзуга доир:
- Аллақачон урфдан қолган 5 кофта модели (фото)
- Фото: Мода оламидаги ноодатий ва ноқулайликда бир-биридан қолишмайдиган пойабзаллар
- Қуёшдан ҳимояловчи кўзойнакларни қандай танлаш кераклиги юлдузлар мисолида
- Кийиниши аслидан кўра катта кўрсатадиган машҳур аёллар (фото)
- Тилла тақинчоқ тақишда аёллар томонидан йўл қўйиладиган хатолар (фото)
Изоҳ (0)