Америкалик комик, диджей ва бошловчи Кервин Фрост Adidas бренди билан коллаборация натижасида яратилган ноодатий кроссовкаларини намойиш этди. «Ақл бовар қилмас» оёқ кийимлар суратини у ўзининг Instagram’даги саҳифасига жойлаштирган, деб хабар беради «Korrespondent.net».
Фрост классик оқ-кўк Forum High моделини ечиладиган ёрқин сочлар, боғичнинг ҳар бир тарафини кўз, бурун ва катта тишлар билан безаган. Кроссовканинг таскасига KerwinFrost логотипи туширилган.
Highsnobiety нашрининг таъкидлашича, ушбу оёқ кийим ғалати кўриниши мумкин, аммо у Фростнинг ёрқин услубини яхши ифодалаб берган.
Kerwin Frost х Adidas Originals Forum High кроссовкалари 250 доллардан сотилади. Оёқ кийимнинг расман тақдим этилиши санаси ҳозирча номаълум.
Аввалроқ Nike бренди Air Force кроссовкаларининг тошлар билан безалган вариантини ишлаб чиқаргани, New Balance бренди пиво банкалари учун мўлжалланган кроссовкаларни тақдим этгани, Япониянинг The World Is Yours бренди шарқона нақшлар туширилган кроссовкаларини яратгани тўғрисида хабар берилганди.
Изоҳ (0)