Германия ўтган ҳафта давомида Тошкент орқали Афғонистондан 2 мингдан ортиқ фуқарони эвакуация қилди. Бу ҳақда Германия ТИВ матбуот хизмати ўзининг Facebook’даги саҳифаси орқали хабар берди.
Маълум қилинишича, Германия, Европа Иттифоқи ва Афғонистон фуқаролари 22 август кунига қадар 18 та авиарейс билан Кобулдан Тошкентга олиб келинган.
«Эвакуация қилинаётганлар аэропортда зарур маҳсулотлар ва дорилар билан таъминланмоқда, шунингдек, COVID-19 га тест топширилгач, Германияга махсус рейсларда юбориляпти», — дейилади хабарда.
Кобулдан ҳарбий самолётлар эвакуацияни амалга ошираётган бўлса, Тошкентдан эса фуқаролар Lufthansa ва Uzbekistan Airways орқали олиб кетилмоқда.
Аввалроқ «Толибон» Афғонистондаги сикҳлар ва ҳиндларнинг Ҳиндистонга эвакуация қилинишига рухсат бермагани, Кобул аэропорти 48 соатга ёпилиши, афғонлар Ўзбекистон чегарасини қонуний равишда кесиб ўтишнинг айёрона йўлини топгани тўғрисида хабар берилганди.
Изоҳ (0)